محەمەد دەرەوەزمی، دوانیوەڕۆی یەکشەممە لە کۆبوونەوەی ڕێکخستنی هاوردە و بردەی سنووری پارێزگای کوردستان وتی: سنوورنشینانی جێگیر لە دەڤەری سێ بازاڕچەی نافەرمی سەیرانبەندی بانە، خانم شێخانی مەریوان و ملەخوردی سەوڵاوا کارتی بەخشینی هاوردە و بردەیان پێ دراوە و بە پێی ئەو بەخشینە تا 28 ملیۆن ڕیاڵ داهاتیان دەبێت.
ناوبراو زیادی کرد: بە پێی پەسەند کراوی کابینەی دەوڵەت، خزمەتێک کە بۆ بەکارهێنانی سنوورنشینان لە ئەو کارتە لەبەرچاو گیراوە، سوودی10 لەسەدی هاوردە کردنی 97 جۆر کاڵایەکە کە بازرگانەکان تەنیا بە بەکارهێنانی ئەو کارتانە دەتوانن هاوردەی بکەن.
دەرەوەزمی وتیشی: ئێستاکە بۆ 28 هەزار و 550 بنەماڵەی سنوورنشین لە ئەو سێ شارە کارتی هاوردە و بردەی سنووری دەرکراوە کە بەداخەوە تەنیا 16 هەزار و 137 دانەی چالاکە.
