بەختیار ڕەحمانی پوور بە ئاماژە بە ئەوەی کە باشماخ تەنیا گومڕوکی ترانزیتی کوردستانە، وتی: ڕێژەی ترانزیتێک کە لە ئێرانەوە ئەنجام دراوە ٣١ هەزار و ٤٧٧ تۆن کاڵا بە بڕی ٣٠ ملیۆن و ٦٥٤ دۆلار بووە.
ناوبراو زیادی کرد: ٢٩٣ هەزار و ٤٢١ تۆن کاڵا بە بڕی ٦٢١ ملیۆن و ٢٦٢ هەزار و ٥٨٨ دۆلاریش ترانزیت لە دەرەوە هاتووە لە ئەو گومڕوکەوە تێپەڕیوە.
ناوبراو ڕاشیگەیاند: لە سەرەتای ئەمساڵەوە تا ئێستا ٢ ملیۆن و ٣٠٥ هەزار و ٥٣٩ تۆن کاڵا بە بڕی ٩٦٤ ملیۆن و ٩٨٥ هەزار و ٦٥٨ دۆلار لە گومڕوکەکانی پارێزگاوە بۆ دەرەوەی ئێران هەناردە کراوە.
چاوەدێری گومڕوکەکانی کوردستان زیادی کرد: لە ٩ مانگی ئەمساڵیشدا ڕێژەی هاوردە کردنی کاڵا لە گومڕوکەکانی پارێزگاوە بۆ ئێران ٢١ هەزار و ٢٤٦ تۆن کاڵا بە بڕی ٣٠ ملیۆن و ١٠٨ هەزار و ٤٨٤ دۆلار بووە.