بە پێی ڕاپۆرتی جام کوردی، بە هۆی کاریگەرییە ئابوری و بازرگانییەکانی بڵاوبوونەوەی ڤایرۆسی کۆرۆنا، کورتهێنانی بازرگانی ئەمریکا لە ساڵی 2020 گەیشتە بەرزترین ڕێژەی 12 ساڵی ڕابردوو.
وەزارەتی بازرگانی ئەمریکا ڕۆژی هەینی ڕایگەیاند کە کورتهێنانی بازرگانی ئەم وڵاتە لە ساڵی ڕابردوو لە سەدا 17.7 بەرز بووەتەوە و گەیشتووەتە بەرزترین ڕێژەی ساڵی 2008 تا کۆتایی ساڵی 2020.
هەناردەی کاڵا و خزمەتگوزارییەکان لە سەدا 15.7 دابەزیوە و گەیشتووەتە نزمترین ڕێژە لە ساڵی 2010 و هاوردەی کاڵا و خزمەتگوزارییەکانیش بە لە سەدا 9.5 دابەزین نزمترین ڕێژەی 4 ساڵی ڕابردووی تۆمار کردووە.
کورتهێنانی بازرگانی ئەمریکا لە مانگی کانوونی یەکەمی ساڵی ڕابردوو لە سەدا 3.5 دابەزی و گەیشتە 66 ملیار و 600 ملیۆن دۆلار.
هەاوردەی کاڵاش لە هەمان مانگ لە سەدا 1.5 بەرزبوونەوەی تۆمار کرد و گەیشتە 217 ملیار و 700 ملیۆن دۆلار. هەر لە مانگی کانوونی یەکەمی 2020 هەناردەی کاڵا لە سەدا 4.7 بەرزبوونەوەی تۆمار کرد و گەیشتە 133 ملیار و 500 ملیۆن دۆلار./.