بە پێی ڕاپۆرتی جام کوردی، شاری کفری لە پارێزگای دیالە یەکێک لەو ناوچانەیە کە ئاسەواری مێژوویی زۆری هەیە و یەک لەوانیش حەمامی پاشایە.
عوبەید محەممەد بەرپرسی فەرمانگەی شوێنەوارە مێژووییەکانی کفری وتی کە حەمامی پاشا بە بودجەیەکی 22 ملیۆن دیناری نۆژەن دەکرێتەوە.
حەمامی پاشا لە ئاسەوارەکانی پەیوەندیدار بە سەردەمی حکومەتی بابانە.
لەو سەردەمەدا کفری ناوەندێکی بازرگانیی ناوچەیی بووە و زۆربەی خەڵک سەردانیان کردووە.
حەمامەکە تا ساڵی 2003 چالاک بووە و ئاوەکەشی لە ڕوبارەکانی کفری دابین دەکرا./.
