بە پێی ڕاپۆرتی جام کوردی، دامەرزاوەیەکی ناحکومی بە ناوی ” یانەی دیلە فەڵەستینییەکان ” بە بۆنەی ڕۆژی جیهانی ئازادی چاپەمەنییەکان بەیاننامەیەکی لە سەر بەردەوامی دەستبەسەربوونی پەیامنێرانی فەڵەستینی لای ڕژێمی کاتیی زایۆنیستی بڵاو کردەوە.
لەو بەیاننامەیەدا هاتووە کە بەرپرسانی ڕژێمی داگیرکاری زایۆنیستی بە سیاسەتی سەرکوتکاری خۆیان درێژە بە دژایەتیکردنی پەیامنێران و میدیاکارانی فەڵەستینی دەدەن.
لە درێژەی بەیاننامەکەدا هاتووە کە لە سەرەتای ئەمساڵەوە ڕژێمی داگیرکار بەردەوام بووە لە دەستبەسەرکردنی ڕۆژنامەنووسان و چالاکوانانی میدیایی و هێرشی زۆری کردووەتە سەر ئەوان و بەو هۆیەوە ژمارەیەک بریندار بوون، بە تایبەت لە مانگی نیسان و لە گرژییەکانی قودس و کەرتی خۆرئاوا.
یانەی دیلە فەڵەستینییەکان ڕایگەیاندووە کە بەرپرسانی ڕژێمی زایۆنیستی درێژەیان بە دەستبەسەرکردنی 15 پەیامنری فەڵەستینی داوە، بە تایبەت بوشرە تەویل پەیامنێری ژنی فەڵەستینی، ئەو پەیامنێرانەش لە هەلومەرجێکی دژوار و نامرۆڤانەدا دەستبەسەرن./.
