بە پێی ڕاپۆرتی جام کوردی، محەممەد حەلبوسی سەرۆکی پەرلەمانی عێراق وتی کە دەبێت لە بەرامبەر تاوانەکانی ڕژێمی زایۆنیستی دژ بە گەلی فەڵەستین، ڕاوەستین و هەڵوێستمان هەبێت.
ناوبراو وتی کە بڕیارەکەی پەرلەمانی عێراق بۆ ڕێگری لە ئاساییکردنەوەی پەیوەندییەکان لە گەڵ ڕژێمی زایۆنیستی پشت بە ئیرادەی ڕاستەقینەی خەڵک دەبەستێت.
حەلبوسی پرسی فەڵەستینی بە یەکێک لە گرنگترین پرسەکانی گەلی عێراق ناو برد و وتی: دۆخی قودس و ناوچە داگیرکراوەکان بە تایبەت پیرۆزییە ئیسلامی و مەسیحییەکان، پێویستی بە هەڵوێستی عەرەبی هەیە کە بگاتە دەرکردنی هەڵوێستێکی نێودەوڵەتی شەفاف و بەو پێیەش، بڕیارە نێودەوڵەتییەکان لە بەرژەوەندی گەلی فەڵەستین جێبەجێ بکرێت.
سەرۆکی پەرلەمانی عێراق وتی: ڕژێمی زایۆنیستی بە تاوانەکانی ئەوەی سەلماندووە کە سەرجەم یاسا و پێودانە نێودەوڵەتییەکان بە ئاشکرا پێشێل دەکات./.
