بە پێی ڕاپۆرتی جام کوردی، تاڤگەی کانی بەست بەرزترین تاڤگەی هەرێمی کوردستانە، 50 مەتر بەرزە و بووەتە ئامانجێکی گرنگی گەشتیاریی سرووشتی.
ساڵانە هەزاران گەشتیار تاڤگەی کانی بەست بەسەردەکەنەوە.
ئەم تاڤگە کەوتووەتە نێوان دوو شاخی کۆخە و شێخ ناسر و بەرزییەکەی لە ئاستی دەریا 1700 مەترە.
کانی بەست لە نێوان شارەکانی چۆمان و سۆرانە و گەشتیاران بۆ بەسەرکردنەوەی دەبێت بگەنە ناوچەی قەسرێ و چەند خولەکێک بە پیاسەکردن بگەنە شوێنی تاڤگەکە.
ئەم تاڤگەیە لە وەرزی هاوین و گەرمادا بە هەزاران گەشتیار ڕاکێشی خۆی دەکات، پلەکانی گەرما لەم ناوچەکە لە 20 پلەی سەدی تێپەڕ نابێت.
بە هۆی تایبەتمەندییەکانیەوە، وێنەی ئەم تاڤگەیە لە سەر پارەی 50 هەزار دیناریی عێراق دەبینرێت./.
