بە پێی ڕاپۆرتی جام کوردی، وەزارەتی نەوتی عێراق بە پشت بەستن بە ئامارەکانی کۆمپانیای سۆمۆ ڕایگەیاندووە کە داهاتی هەناردەی نەوتی خاوی ئەم وڵاتە لە مانگی تەمموز، 10 ملیار و 608 ملیۆن دۆلار بووە.
کۆمپانیای سۆمۆ ڕایگەیاندووە کە کۆی نەوتی هەناردەکراوی عێراق لە مانگی ڕابردوو 102 ملیۆن و 385 هەزار و 49 بەرمیل و داهاتەکەشی 10 ملیار و 608 ملیۆن دۆلار بووە.
ڕێژەی نەوتی هەناردەکراو لە کێڵگەکانی باشور و ناوەڕاستی عێراق، 99 ملیۆن و 965 هەزار و 94 بەرمیل و نەوتی هەناردەکراوی گێڵگەکانی کەرکوکیش 2 ملیۆن و 344 هەزار و 536 بەرمیل بووە.
کۆمپانیای سۆمۆ هەروەها ڕایگەیاندووە کە ڕێژەی مامناوەندی هەناردەی ڕۆژانەی نەوت لە مانگی تەمموزی ڕابردوو، 3 ملیۆن و 303 هەزار بەرمیل و مامناوەندی نرخەکەشی بۆ هەر بەرمیلێک 103.60 دۆلار بووە./.
