بە پێی ڕاپۆرتی جام کوردی، کۆمپانیای بەبازاڕکردنی نەوتی عێراق ناسراو بە سۆمۆ کە سەر بە وەزارەتی نەوتی ئەم وڵاتەیە، ڕایگەیاندووە کە بە پێی ئامارە سەرەتاییەکان، ڕێژەی نەوتی فرۆشراوی عێراق لە مانگی ئابی 2022، 101 ملیۆن بەرمیل بووە کە 9 ملیار و 784 ملیۆن دۆلار داهاتی بۆ وڵات هەبووە.
سۆمۆ ڕایگەیاندووە کە مامناوەندی هەناردەی ڕۆژانەی نەوتی عێراق 3 ملیۆن و 286 هەزار بەرمیل و مامناوەندی نرخی هەر بەرمیل نەوتی فرۆشراویش 96.05 دۆلار بووە./.
