بە پێی ڕاپۆرتی جام کوردی، جەهانبەخش سەنجابی شیرازی وتی: ئەگەرچی ڕێژەی هەناردەی ئێران بۆ عێراق لە ماوەی چەند مانگی ڕابردوو دابەزیوە بەڵام پێشبینی ئەوە دەکرێت کە ئەم دابەزینە لە چەند مانگی داهاتوو قەرەبوو بکرێتەوە و هەناردەی ئێران بۆ عێراق تا کۆتایی ئەمساڵ بگاتە 10 ملیار دۆلار.
ناوبراو سەبارەت بە دوایین دۆخی بازرگانیی نێوان ئێران و عێراق وتی: لە 7 مانگی ڕابردووی ساڵی 1401 ی کۆچی هەتاوی سەبارەت بە هەناردەی کاڵا بۆ عێراق لە ڕووی کێشەوە دابەزینێکی بەرچاو بینراوە.
ئەمینداری گشتی ژووری هاوبەشی بازرگانیی ئێران و عێراق وتی: سەبارەت بە هاوردەش لە عێراق لەمساڵ بەراورد بە ساڵی ڕابردوو هەمان دابەزین تۆمار کراوە کە هۆکارەکەشی ئەوەیە ساڵی ڕابردوو کاڵا و بەرهەمی پێویست لە ڕێگای سەرچاوە داراییەکانەوە لە لایەن عێراقەوە هاوردەی ئێران کرا و ڕێژەی هاوردەش لەم وڵاتە لە سەدا 700 بەرزبوونەوەی هەبوو بەڵام بۆ ئەمساڵ ئەم چاوەڕوانییە نەبوو.
سەنجابی شیرازی وتی: هاوردەی ئێمە لە عێراق لە ساڵی ڕابردوو بە گەشەی لە سەدا 700 گەیشتە یەک ملیار دۆلار بەڵام ئەمساڵ تا مانگی 7، هاوردەی ئێران لە عێراق تەنیا 150 ملیار دۆلار بووە.
وتیشی کە سەبارەت بە هەرێمی کوردستانیش هەمان دابەزین هەبووە و هۆکارەکەشی گۆڕینی سیاسەتی گومرکی لە لایەن هەولێرەوە دەگەڕێتەوە.
ئەمینداری گشتی ژووری هاوبەشی بازرگانیی ئێران و عێراق وتی: ساڵی ڕابردوو کۆی گشتی هەناردەی ئێران بۆ عێراق 8 ملیار و 860 ملیۆن دۆلار بووە و پێشبینی دەکرێت ئەمساڵیش تا کۆتایی ساڵ بگاتە 9 تا 10 ملیار دۆلار./.
