بە پێی ڕاپۆرتی جام کوردی، فایەق زەیدان سەرۆکی ئەنجومەنی باڵای دادوەری عێراق لە ڕێوڕەسمی بیستەمین ساڵیادی شەهیدبوونی ” سەید محەممەد باقر حەکیم ” ئاماژەی بە تیرۆری شەهیدانی سەرکەوتن لە دژی داعش لە نزیک فڕۆکەخانەی نێودەوڵەتی بەغدا دا و بە تاوان و خیانەتێکی ناپاکانەی ڕەوتی ستەمکاری جیهانی ناوی برد.
ناوبراو وتی: هەر ڕێوڕەسمێک کە بە ناوی شەهیدانەوە بێت، پێگەی لای گەلی عێراق بەرزە و خوێنی شەهیدان بەردەوام داری تەمەنی عێراق ئاودێری دەکات.
زەیدان وتی: سەید محەممەد باقر حەکیم تەمەنی خۆیی لە ڕێی نیشتمان، لێک نزیکردنەوەی مەزهەبەکان و بەرگری لە بیر و بۆچوونەکان بەکار هێنا، لە بەر ئەوەی کە عێراق بە درێژایی مێژوو گەورەترین مەڵبەندی شەهیدان بووە کە یەکەمی ئەوان شەهیدانی کەربەلا و گەورەی شەهیدان ئیمام حوسێن (ع) بووە و پاشان شەهیدانی بەرگری لە عێراق، شەهیدانی بەرەنگاربوونەوەی ڕژێمە دیکتاتۆرییەکان، شەهیدانی پاش 2003 و شەهیدانی تاوانەکەی فڕۆکەخانەی بەغدا کە لە لایەن ڕەوتی ستەمکاری جیهانییەوە کرا./.