بە پێی ڕاپۆرتی جام کوردی، ئەمڕۆ پێنج شەممە 9 ی شوبات ی 2023، پێنجەم وەجبەی هاوکارییەکانی کۆماری ئیسلامی ئێران بۆ زیانلێکەوتووانی بومەلەرزەکەی سوریا گەیشتە فڕۆکەخانەی دیمەشق.
هاوکارییەکەش 45 تەن پێداویستی پزیشکی، خۆراکی و …. بووە.
سەلمان نەواب نوری سەرکۆنسووڵی کۆماری ئیسلامی ئێران ڕایگەیاندووە کە شەوی چوارشەممە چوارەم وەجبەی هاوکارییەکان گەیشتە فڕۆکەخانەی حەلەب. ئەو هاوکارییانەش خێوەت، خورما، برنج، ماسی قوتو، مەعکەرۆنی و دۆشاوی تەماتە بووە.
پێشتریش سێ وەجبەی دیکەی هاوکارییەکانی کۆماری ئیسلامی ئێران ڕەوانەی سوریا کرابوو. فڕۆکەی یەکەم لە فڕۆکەخانەی دیمەشق نیشتەوە، فڕۆکەی دووەم لە حەلەب و فڕۆکەی سێهەمیش لە لازقیە./.
