بە پێی ڕاپۆرتی جام کوردی، ژمارەی قوربانیان و بریندارانی بومەلەرزەکەی سوریا لە ناوچەکانی ژێر دەسەڵاتی حکومەت و نەیاران گەیشتە 3 هەزار و 553 کوژراو و 5 هەزار و 276 بریندار.
وەزارەتی تەندرووستی سوریا ڕایگەیاندووە کە ژمارەی ئەو کەسانەی لە بومەلەرزەکەدا گیانیان لە دەست داوە گەیشتووەتە هەزار و 387 کەس و 2 هەزار و 326 کەسیش بریندار بوون.
هاوکات ئامارێکی ناوچەکانی ژێر کۆنتڕۆڵی نەیارانی حکومەتی سوریاش بڵاو بووەتەوە کە تێیدا هاتووە 2 هەزار و 166 کەس لە ناوچەکانی باکوری ڕۆژئاوا بە هۆی بومەلەرزەوە گیانیان لە دەست داوە و 2 هەزار و 950 کەسیش بریندار بوون./.
