بە پێی ڕاپۆرتی جام کوردی، باسم عەوادی وتەبێژی حکومەتی عێراق چەند وردەکارییەکی لە ڕەشنووسی پەسەندکراوی پرۆژەیاسای بودجەی ساڵی 2023 و دوو ساڵی دواتری ئەم وڵاتەی خستەڕوو.
ناوبراو وتی: کورتهێنانی بودجە 63 هەزار ملیار دینارە کە لە سەرچاوەکانی وەک بودجەی وەزارەتی دارایی و قەرزی ناوخۆیی و …. دابین دەکرێت.
عەوادی وتی کە کورتهێنانی بودجە لە ژێر کۆنتڕۆڵی حکومەتدایە و نرخی هەر بەرمیل نەوتیش لە بودجەی ساڵی 2023 بە 70 دۆلار دانراوە.
ناوبراو وتی کە ڕێژەی هەناردەی ڕۆژانەی نەوتیش لە پرۆژەیاسای بودجە 3 ملیۆن و 500 هەزار بەرمیل دیاریکراوە کە 499 هەزار بەرمیلی لە ڕێگای هەرێمی کوردستانەوە دەبێت.
وتەبێژی حکومەتی عێراق وتی: داهاتی نەوت لە پرۆژەیاسای بودجە 117 ترلیۆن و 252 ملیار دینار و داهاتی نانەوتیش 17 ترلیۆن و 301 ملیار دینار پێشبینی کراوە.
ئەنجومەنی وەزیرانی عێراق لە کۆبوونەوەی ڕۆژی دووشەممە 13 ی ئازار، ڕەشنووسی بودجەی ساڵانی 2023، 2024 و 2025 ی ئەم وڵاتەی پەسەند کرد./.