بە پێی ڕاپۆرتی جام کوردی، محەممەد کازم ئالی سادق باڵیۆزی کۆماری ئیسلامی ئێران لە بەغدا بە کەناڵی العالم ی ڕاگەیاندووە کە ئیرادەیەکی جیدی لە لایەن حکومەتی ناوەندی عێراق و حکومەتی هەرێمی کوردستانەوە بۆ جێبەجێکردنی ڕێکەوتنی ئەمنی و چەککردن و دەرکردنی گرووپە چەکدارەکان لە بنکە و بارەگا سنورییەکان دەبینرێت.
ناوبراو ڕایگەیاندووە کە تاران بە جیدی بەدواداچوون بۆ پرسی چەککردنی گرووپە تیرۆریستییەکان لە چوارچێوەی ڕێکەوتنە ئەمنییەکەی لە گەڵ بەغدا دەکات.
ئالی سادق ڕایگەیاندووە کە شاندێکی هاوبەشی تاران و بەغدا بۆ ئەم مەبەستە سەردانی هەرێمی کوردستان دەکات./.
