هەڵبژاردەی نیشتمانیی بالەی پیاوانی ئێران، ڕۆژی دووشەممە ١٠ی نۆڤەمبەر لە چوارەمین یاری خۆیدا لە یارییەکانی هاوپشتی وڵاتانی ئیسلامی ڕووبەڕووی چاد بووەوە.
هەڵبژاردەی بالەی پیاوانی ئێران بە ئەنجامی 3-0 و 25-15، 25-19 و 25-19 یارییەکەی بردەوە و چوارەمین سەرکەوتنی لەسەریەکی بە شکستهێنانی نۆینەری ئەفریقا بەدەستهێنا.
لەم یارییەدا ئەمیرحوسێن ساداتی، عەلیرەزا عەبدولحەمیدی، عەلیرەزا موسلح ئابادی فەراهانی، پوویا ئاریاخا، سەید عیسا ناسری، عەلی ڕەمەزانی (کاپتن) و ئیحسان دانشدووست پێکهاتەی سەرەکی هەڵبژاردەی نیشتمانیی بالەی پیاوانی ئێران بوون.
پێمان ئەکبەری، سەرۆکی ڕاهێنەری هەڵبژاردەی تۆپی بالەی ئێران لەم یارییەدا پێکهاتەیەکی جیاوازی بەکارهێنا و ئیحسان دانشدووست وەک لیبێرۆ لە یاریگادا دەرکەوت.
هەڵبژاردەی نیشتمانیی بالەی ئێران لە سێ یاریی پێشووی خۆیدا لە بەحرەین، قەتەر و تورکیای بردبووەوە و بە سەرکەوتنی ئەمجارەش بە چوار سەرکەوتن و ١١ خاڵ لە لوتکەی قۆناغی سەرەتایی ئەم پاڵەوانێتییە مایەوە و بەمەش سەرکەوتنی بۆ یاری کۆتایی یارییەکانی هاوپشتی وڵاتانی ئیسلامی مسۆگەر کرد.
هەڵبژاردەی نیشتمانیی بالەی ئێران کاتژمێر ١٩:٣٠ ڕۆژی چوارشەممە ١٢ی نۆڤەمبەر لە پێنجەمین و کۆتا یاری خۆی لە قۆناغی سەرەتایی ئەم کێبڕکێیەدا ڕووبەڕووی سعوودیەی میواندار دەبێتەوە.