بە پێی ڕاپۆرتی جام کوردی، وەزارەتی تەندرووستی حکومەتی فەڵەستین لە غەززە ڕایگەیاندووە کە لە ماوەی 24 کاتژمێری ڕابردوودا 76 تەرم لە ژێر ئاسەواری بۆردومانەکاندا دەرهێنراون و 298 برینداریش گەێندراونەتە نەخۆشخانەکانی ئەم ناوچەیە.
ئەو وەزارەتە ڕایگەیاندووە کە لە سەرەتای شەڕی غەززە، لە 7 ی تشرینی یەکەمی 2023 ەوە تا ئێستا، ژمارەی گشتی شەهیدان گەیشتوونەتە 62 هەزار و 895 کەس و بریندارەکانیش 158 هەزار و 927 کەس بوون.
ڕاشیگەیاندووە کە لە 18 ی ئازاری 2025ەوە تا ئێستا 11 هەزار و 50 کەس شەهید و 46 هەزار و 886 کەسیش بریندار بوون./.