بە پێی ڕاپۆرتی جام کوردی، سەید عەبدولمەلک بەدرەدین حوسی وتی: دوژمنی زایۆنیستی هەر هەفتە و بە هەموو ئامرازێکی خۆکوژی، کوشتار و سەپاندنی سیاسەتی برسیکردن، گەلی فەڵەستین لە غەززە دەکاتە ئامانج.

ناوبراو وتی: تاوانی بەئامانجگرتنی نەخۆشخانەکانی غەززە، زۆر دڕندانە و نامرۆڤانەیە.

حوسی وتی: ئەمریکا هاوبەشی تاوانەکانی ڕژێمی زایۆنیستییە و گرنگینەدانی وڵاتانی ڕۆژئاوا بە گیانی مرۆڤەکان، پیشاندەری سیاسەتی دووفاقیی ئەوانە.

سەرۆکی ئەنساروڵڵا ڕایگەیاند کە تاوانی زایۆنیستەکان پیشاندەری دڕندەیی و ئایدۆلۆژیای تاریکی ئەوانە، لە بەر ئەوەی کە کەسانی مەدەنی دەکەنە ئامانج و بە بێ هیچ سنوردانانێک خەڵک دەکەنە قوربانی و سەرجەم پیرۆزییەکانی مرۆڤایەتی پێشێل دەکەن.

سەید عەبدولمەلک بەدرەدین حوسی وتی: لەناوبردنی مرۆڤەکان بە برسێتی، بە پاڵپشتی ئەمریکا و چەندین وڵاتانی ڕۆژئاوا، یەکەم تاوانی لەوجۆرەیە کە لە ڕۆژهەڵاتی ناوەڕاست و تەنانەت جیهان ڕوو دەدات./.