بە پێی ڕاپۆرتی جام کوردی، محەممەد باقر قاڵیباف سەرۆکی
پەرلەمانی ئێران لە وتارێکدا ڕایگەیاند کە ڕەنگە شەڕ ڕووبدات و بۆ ئەمەش دەبێت
بەهێز بین.
ناوبراو وتی: دەبێت بزانین لەم شەڕەدا ڕوبەڕوی کێ
وەستاوین و شانازی بەمەش دەکەین، ئەمڕۆ سەرجەم ئازادیخوازانی جیهان، ئێرانییەکان و
موسڵمانان لە هەر نەتەوەیەک شانازی بە ئێرانی ئیسلامییەوە دەکەن، زۆربەی ئەم
کەسانەش لە کەسانی ناسراو و خاوەن پێگەن.
قاڵیباف وتی: ڕژێمی زایۆنیستی هیچ کات وەک ئێستا لە ژێر
گوشارەکاندا نەبووە، زایۆنیستەکان بۆنیان بە مرۆڤایەتی و شەرەفەوە نەکردووە و لە
ڕاستیدا نازییەکانی ئەم سەردەمەن.
ناوبراو وتی: پاراستنی یەکڕیزی و یەکگرتوویی بنەمای کاری
ئێمەیە، هێزی ئێمە لە مووشەکەکانماندا نییە، پشتیوانی گەل بۆ ئێمە گرنگتر لە هەموو
شتێکە./.