لە وەڵامی ئەو پرسیارەی کە ئایا دواخستنی یارییەکە لەگەڵ مێلڤان کاریگەری ئەرێنی لەسەر ئاستی تراکتۆر هەبووە، وتی: هەموو تیپەکان کێشەی خۆیان هەیە، دەزانم شارجە سێ ڕۆژ پێشتر یاریی کردبوو. شەش یاریزانی هەڵبژاردەی نیشتمانیمان هەبوو و چەند ڕۆژێک نەمانتوانی لەگەڵ پێکهاتەی تەواو ڕاهێنان بکەین. یەکێک لە گرنگترین یاریزانەکانمان ئیگۆر پۆستونسکی دوێنێش پێکا بوو. سەبارەت بە دواخستنی یارییەکە، دەبێ بڵێم کە لۆژیک نەبوو کە 48 کاتژمێر دوای یاریی هەڵبژاردەی نیشتمانی، یارییەکە ئەنجام بدرێت.
سەبارەت بە جیاوازی مەرجەکانی ئامادەکاری هەردوو تیپەکە، سکۆچیچ وتی: هەردوو تیپەکە کێشەی جیاوازیان هەبوو. یارییەکەمان هەڵوەشایەوە و بۆ ماوەی دە ڕۆژ یاریزانانی هەڵبژاردەی نیشتمانیمان نەبوو، بەڵام لە کۆتاییدا باشترین تیپ هەمیشە یاریگاکە دەگرێتەوە.
سەبارەت بە چاوەڕوانییەکان بۆ ئەنجامی ئەم یارییە، سەرۆک ڕاهێنەری تراکتۆر زیادی کرد: بەڵێ چاوەڕوانی ئەم ئەنجامەمان دەکرد. پاڵەوانی ئێران بە کەم مەزانن، هەرچەندە ڕەنگە چاوەڕێی ئەوەتان نەکردبێت. ئێمە تیمێکی زۆر باشمان هەیە و پێمان وایە پارە هەمیشە تیمێکی گەورە دروست ناکات. شارجە یاریزانی گرانتری هەبوو، بەڵام بە شایستەیی سەرکەوتنمان بەدەستهێنا. ساڵی ڕابردوو بەبێ دۆڕان وەلاوە نراین و خۆشحاڵم کە ئێستا وەک هێزێکی نوێ سەیری تراکتۆر دەکەیت.
ناوبراو لە کۆتاییدا سەبارەت بە کوالیتی تۆپی پێی ئێران وتی: خولی ئێران لە ڕووی تەکنیکی، جەستەیی و تاکتیکییەوە کوالیتی زۆر بەرزە، خەڵکی ئێران تۆپی پێیان خۆشدەوێت و ئەم ئەنجامە هەستێکی خۆشی پێبەخشیین. بەداخەوە هەندێک جار کوالیتی تۆپی پێی ئێران بە کەم سەیر دەکرێت، لە کاتێکدا بەڕاستی لە ئاستێکی بەرزدایە.