ئیحسان باقرخانی لە کۆبوونەوەی تاوتوێ کردنی دۆخی پیشەسازی، کانزا و بازرگانی لە پارێزگای کرماشان کە بە ئامادەبوونی میسری نوێنەری خەڵکی کرماشان لە پەرلەمان، بەڕێوەچوو، وتی کە پارێزگای کرماشان خاوەن ٩٤١ یەکەی پیشەسازییە کە لە سەدا ٧٥یان چالاکن و لە سەدا ١٨یان نیمچە چالاکن.
ناوبراو ئاماژەی بەوەشکرد: 52 یەکەی پیشەسازی گەورە بە وەبەرهێنانی زیاتر لە 148 هەزار ملیار تمەن و دامەزراندنی 16 هەزار و 705 کەس لە پارێزگاکەدا چالاکن.
ناوبراو لە درێژەی قسەکانیدا بە ئاماژەدان بەو پڕۆژە پیشەسازیانەی کە لە قۆناغی جێبەجێکردندان وتی: لە پارێزگاکەدا هەزار و ١٥٦ پڕۆژەی پیشەسازی و کانزا بە پێشکەوتنی فیزیکی هەیە، لەو ژمارەیەش ٣٧ پڕۆژەی گرنگ بە وەبەرهێنانی ٣٤٤ هەزار ملیار تمەن و دامەزراندنی ٧٦٤٦ کەس لە ماوەی چوار ساڵی داهاتوودا دەخرێنە بواری جێبەجێکردنەوە.
بەڕێوەبەری گشتی سەمت زیادی کرد: سێ وێستگەی بەرهەمهێنانی کارەبا بە توانای 26، 10، و 12 مێگاوات دروستکراون بۆ دابینکردنی وزە بۆ یەکە پیشەسازییە گەورەکانی پارێزگاکە.
ناوبراو بە ئاماژەدان بە تواناکانی کرماشان لە کەرتی کانزادا وتی: کرماشان ٢٣٦ کانزتی هەیە کە یەدەگی دیاریکراوی ٧٣٩ میلیۆن تەن و توانای دەرهێنانی ساڵانەی ١٥.٢٥ ملیۆن تەنیان هەیە.
باقرخانی هەروەها ئاماژەی بە ڕێژەی بەرهەمهێنانی هەلی کار لە کانزاکانی پارێزگاکەدا کرد و ڕایگەیاند: دوو هەزار و 470 کەس لەم بوارەدا دامەزراون و لەم ڕووەوە کرماشان بە یەکێک لە پارێزگا گرنگە کانزاییەکانی وڵات دادەنرێت.
ناوبراو ئاماژەی بەوەدا کە لەسەدا ٧٠ی یەدەگی قیری سرووشتی وڵات لە کرماشان هەڵکەوتووە و کانزا جۆراوجۆرەکان لەوان بیتومین، بەردی دیکۆراتی، دۆلۆمیت، سیلیس، مەنگەنیز و فێڵدسپات لە شارە جۆراوجۆرەکاندا دەرهێنراون.
لە بەشێکی دیکەی قسەکانیدا، بەڕێوەبەری گشتیی پیشەسازی، کانزا و بازرگانی ڕایگەیاند: کرماشان کە ٣٧١ کیلۆمەتری سنووری هاوبەشی لەگەڵ عێراق و پێنج دەروازەی فەرمی هەیە لە ساڵی ١٤٠٣دا زیاتر لە سێ هەزار و ٤٨٨ ملیۆن دۆلاری هەناردە کردووە و بە چوارەمین پارێزگای هەناردەکاری وڵات دادەنرێت.
ناوبراو ئاماژەی بەوەشکرد: لەسەدا ٤٣ی هەناردەکردنی نانەوتی وڵات بۆ عێراق لەڕێگەی سنوورەکانی ئەم پارێزگایەوە ئەنجام دەدرێت.
باقرخانی لە درێژەی قسەکانیدا وتی: زیاتر لە ٧٩ هەزار یەکەی هاوپیشەیی لە بواری بازرگانی ناوخۆدا چالاکن، کە هەلی کاریان بۆ ٢٢٠ هەزار کەس ڕەخساندووە. پارێزگای کرماشان لە ڕێکخستنەوەی ئەو یەکە هاوپیشەیانەی کە مۆڵەتی بەدەستهێنان و پێدانی مۆڵەتیان لە کۆمپانیاکانی دابەشکردنی نیە لە ڕیزی پێنج پارێزگا سەرەکییەکانی وڵاتدایە.
ناوبراو لە کۆتاییدا هەروەها ئاماژەی بە ئاستەنگە گرنگەکان لە بوارەکانی بەرهەمهێنان و بازرگانیدا کرد و وتی: ناهاوسەنگی وزە، نەبوونی ژێرخانە پیشەسازییەکان، ڕزیوی مەکینەواڵە کانزاییەکان، کێشەی دارایی، هەروەها سزا نێودەوڵەتییەکان، نەبوونی زەوی پیشەسازی، و دەستێوەردانی ئارەزوومەندانە لە کەرتی کانزادا، بەشێک لە کێشەکانی پیشەسازی کانزا و بازرگانی کرماشانن.