راگەیەنراوەکەی لیژنەی باڵای هەڵبژاردنی لیستی ٢٨٥
بەم شێوەیە دەست پێ دەکات.
بەناوی خوای بەخشندەی میهرەبان
خوشکان و برایان لە هەموو بازنەکانی هەڵبژاردن.
دەنگدەرانی خۆشەویستی لیستی کۆمەڵ،
بەناوی لیژنەی باڵای هەڵبژاردنی لیستی کۆمەڵی دادگەرییەوە پڕ بەدڵ سوپاسی هەوڵ و ماندوبوون و شەونخونیی و دڵسۆزییتان دەکەین بۆ پشتیوانیی کردن و سەرخستنتان بۆ لیستی کۆمەڵی دادگەریی و، دڵسۆزیی و وەفادارییتان بەرز دەنرخێنین.
بێگومان ئەو ئەنجامەی بەدەستهاتوە، لە ئاستی چاوەڕوانیی کەسماندا نەبووە، پێویستە وێڕای بەدواداچوون بۆ ڕاستیی و دروستیی ئەنجامەکان، دانیش بنێین بە كەم و كووڕییەكانمانداو، خوا پشتیوان بێ بە چاوخشاندنەوە بە خۆماندا و هەنگاوی کرداریی بۆ هەستانەوە و چاکسازیی پێویست لە تەواوی کاروبارەکاندا، هیوا و متمانە دەگێڕینەوە..
لیژنەی باڵای هەڵبژاردنی لیستی ٢٨٥
١٢/١١/٢٠٢٥