لە یاری کۆتایی یەک هەشتمی پاڵەوانێتی لاوانی جیهاندا، بنیامین فەرەجی بە ئەنجامی 4-3 لە ناندان ناڕەشی ئەمریکی بردەوە و سەرکەوت بۆ ڕیزبەندی 8 لە باشترینەکانی جیهان.
فەرەجی لە یاری یەکەمی پاڵەوانەتییەکەدا بە ئەنجامی 12-10 یارییەکەی بردەوە، پاشان لە یاری دووەمدا، لەکاتێکدا یارییەکە بە ئەنجامی 10-9 لە بەرژەوەندیی بەرامبەری ئەمریکی بەردەوام بوو، ناوبژیوان بە هەڵە خاڵی 11ی بە یاریزانێکی ئەمریکی بەخشی و یارییەکە بە ئەنجامی 1-1 یەکسان بوو.
پاشان لە یاری سێیەمدا فەرەجی بە ئەنجامی 11-6 بە بەرامبەرەکەی دۆڕا و لە یاری چوارەمیشدا بە ئەنجامی 11-1 لە لایەن ڕکابەرە بەهێزە ئەمریکییەکەیەوە شکستی هێنا.
ئەو یاریزانە ئەمریکییە تەنها یەک یاری ماوبوو بۆ سەرکەوتنی کۆتایی، بەڵام ئەنجام شتێکی دیکە بوو. بنیامین فەرەجی بە ئیرادەیەکی نموونەیی سێ یاری لەسەریەکی بردەوە و ئەنجامەکەی بە 4-3 لە بەرژەوەندی خۆی کۆتایی پێهێنا، بەجۆرێک کە دواجار ئەنجامی گشتی یارییەکە لە بەرژەوەندی یاریزانی شایستەی تێنیسی نیشتمانی ئێران کۆتایی هات.
بلیمەتی تۆپی سەرمێزی ئێرانی لە یاری یەک چوارەمی کۆتاییدا لەگەڵ لی هێچن لە چینەوە ڕکابەری دەکات و ئەگەر سەرکەوتن بەدەست بهێنێت، مەدالیای برۆنزی پاڵەوانێتی جیهانی بۆ وڵاتی مسۆگەر دەکات.
پاڵەوانێتی جیهانی تۆپی سەر مێزی لاوان لە ڕۆمانیا لە 2 تا 9ی سەرماوەز بەڕێوەدەچێت.