ئەو نیشانانەی کە ئاماژە بە کەمی ڤیتامین D لە جەستە دەکەن

بە پێی ڕاپۆرتی جام کوردی، ڤیتامین D کە بە ڤیتامین تیشکی خۆر ناسراوە، بۆ جەستەمان گرنگە چونکە یارمەتی بەهێزکردنی ئێسکەکان، پاراستنی تەندرووستی ماسولکەکان و بەهێزکردنی سیستەمی بەرگری دەدات. تیشکی خۆر یارمەتیدەرە بۆ بەرهەمهێنانی ئەم ڤیتامینە لە لەشدا، کەمی ئەو ڤیتامینە دەشێت بەهۆی دوورکەوتنەوە لە خۆر، زۆر بەکارهێنانی فێنککەرەوە و خراپی خۆراک بێت.

کەمیی ڤیتامین D دەتوانرێت بە پشکنینی خوێن دەستنیشان بکرێت، بەڵام نیشانەی دیکەش هەیە کە جەستە ئاگادارمان دەکاتەوە. سەرەڕای ئەوەش، کەمی ئەم ڤیتامینە دەبێتە هۆی کێشەی تەندروستی جۆراوجۆر.

ڤیتامین D یارمەتی هەڵمژینی کالسیۆم و فۆسفۆر دەدات کە دوو کانزای گرنگن بۆ بنیاتنانی ئێسکێکی بەهێز. کاتێک ڤیتامین D کەم بێت، لەش ناتوانێت ئەم کانزایانە بە شێوەیەکی کاریگەر هەڵمژێت و دەبێتە هۆی نەرم، لاوازی و ناسکی ئێسکەکان.

کەمی ڤیتامین D دەبێتە هۆی لاوازی، گرژبوون و ئازاری ماسولکەکان. ئەم ڤیتامینە زۆر گرنگە بۆ کاری گونجاوی ماسولکەکان و کاتێک ڕێژەکەی کەم دەبێت، ماسولکەکان هەست بە ماندووبوون و ئەنجامدانی چالاکیەکانی ڕۆژانە قورس دەبێت.

ڤیتامین D بۆ بەهێزکردنی سیستەمی بەرگری زۆر گرنگە و یارمەتی جەستە دەدات بەرگری لە هەوکردنەکانی وەک هەڵامەت و ئەنفلۆنزا و نەخۆشییەکانی هەناسەدان بکات. کاتێک ئاستی ڤیتامین D کەم دەبێت، سیستەمی بەرگری لاوازتر دەبێت و مەترسی تووشبوون بە نەخۆشی زیاد دەکات.

ڤیتامین D کاریگەری لەسەر تەندرووستی مێشک و ڕێکخستنی مەزاج هەیە. کەمی ڕێژەی ئەم ڤیتامینە پەیوەندی بە ناڕێکی مەزاجی وەک خەمۆکی و دڵەڕاوکێ هەیە. ئەو کەسانەی کەمی ڤیتامین Dیان هەیە لەوانەیە هەست بە خەمباری، دڵەڕاوکێ یان سەختی خەوتن بکەن./.