بەپێی ڕاپۆرتی جامی کوردی، فەهیمە ڕەوشەن بە ئاماژەدان بە بەرنڵمەی حەوتمی گەشەپێدانی پارێزگاڕایگەیاندووە کە، کرماشان دەبێ ساڵانە تا کۆتایی ساڵی ١٤٠٧ نزیکەی ٧٠٠ هەزار گەشتیاری بیانی بۆ خۆی ڕابکێشێت و دەشڵێت: "پشکی پارێزگاکە لە ساڵی ١٤٠٣دا بۆ ڕاکێشانی گەشتیارانی بیانی ١٥٠ هەزار بووە، کە ئەم ئامانجە بەدیهات، و بۆ ساڵی١٤٠٤یش، پێشبینی دەکرێت ١٨٠ هەزار گەشتیاری بیانی بۆ خۆی ڕابکێشێت.
ناوبراو بە ئاماژە بە هەڵکەوتەی سنووریی پارێزگای کرماشان ڕایگەیاند: نزیکی کرماشان لە ناوچە کوردنشین و عەرەبییەکانی عێراق دەرفەتێکی ستراتیژییە بۆ پەرەپێدانی گەشتیاری بیانی لەو پارێزگایە و هەر لەبەر ئەم هۆکارەش سەرنجی سەرەکیمان لەسەر ڕاکێشانی گەشتیارانی عێراق و لە قۆناغی داهاتوودا وڵاتانی نزیک لە کەنداوی فارسە.
بریکاری گەشتوگوزاری کرماشان زیادی کرد: لەم پێوەندییەدا، سازدانی پێشانگای کاری دەستی، بەڕێوەچوونی فێستیڤاڵی فەرهەنگی لە عێراق، و جێبەجێکردنی بەرنامەی " فم تور" بۆ فەرمانگە گەشتیارییەکانی بەشی عەرەبی وڵاتی عێراق لە بەرنامەی کاریدایە، کە بەهەمان شێوە دەرئەنجامی ئەرێنی لێکەوتەوە، و دوای ئەو بەرنامانەش شاهیدی هاتنی گەشتی گەشتیاری لە عێراقەوە بۆ کرماشان بووین.
فەهیمە ڕەوشەن هەروەها گەشتوگوزاری تەندروستی بە بوارێکی گرنگی تری ڕاکشانی گەشتیارانی بیانی زانی و وتی: بە لەبەرچاوگرتنی ژێرخانی پزیشکی گونجاوی پارێزگاکە، ناساندنی تواناکانی گەشتیاری تەندروستی بۆ هەردوو بەشی عەرەبنشین و کوردنشینی عێراق بە جددی بەدواداچوونی بۆ دەکرێت؛ پرسێک کە دەتوانێت پشکی کرماشان لە بازاڕی گەشتیاری بیانیدا زیاد بکات.