عەباس عێراقچی، وەزیری دەرەوەی ئێران، لە پەیامێکی توونددا لە سەکۆی "X"، دۆناڵد ترەمپی سەرۆکی ئەمریکای بە "ناپاکیکردن لە دیپلۆماسی" تۆمەتبار کرد. عێراقچی ئاماژەی بەوە کرد کە ترەمپ بەهۆی کینە و گرتنەبەری سیاسەتی نادروست، مێزی گفتوگۆکانی بۆردومان کردووە و دەرفەتە دیپلۆماسییەکانی لەبار بردووە.
خاڵە سەرەکییەکانی پەیامەکەی عێراقچی:
عێراقچی پێی وایە ترەمپ وەک "گرێبەستێکی خانووبەرە" سەیری پرسە ئەتۆمییە ئاڵۆزەکان دەکات، ئەمەش وای کردووە ئامانجەکانی ناواقیعی بن.
وەزیری دەرەوەی ئێران دەڵێت واشنتن ڕاستییەکان بە "درۆی گەورە" دادەپۆشێت و عێراقچی ڕوو لە ترەمپ دەڵێت: "تۆ ناپاکی لەو ئەمریکییانەش کرد کە هەڵیانبژاردوویت."
ئەم لێدوانە تووندانەی تاران لە کاتێکدایە کە گرژییەکان گەیشتوونەتە لوتکە. دوای زنجیرەیەک بۆردومانی چڕی ئەمریکا و ئیسرائیل بۆ سەر بنکە ستراتیژییەکانی ئێران، بەشێکی زۆری ژێرخانی سەربازی و ئەتۆمی ئەو وڵاتە پەککەوتووە، ئەمەش وای کردووە ئاسۆی گەڕانەوە بۆ دانوستان تاریکتر بێت.