وەلائی لە میانی قسەکانیدا ئاماژەی بەوە کرد کە نابێت سعوودیە رێگە بدات سەربازانی ئەمریکا "ماڵی خودا" (کەعبەی پیرۆز) وەک پەناگەیەک بەکاربهێنن. ناوبراو بانگەشەی ئەوە دەکات کە لە ئێستادا ئەمریکییەکان شوێنە پیرۆزەکان وەک تاقە شوێنی پارێزراو دەبینن بۆ خۆحەشاردان لە هێرشەکان.
وەلائی داوا دەکات دەسەڵاتی سعوودیە رێگری بکات لە بەکارهێنانی شوێنە ئایینییەکان بۆ مەبەستی سەربازی.
ئەم لێدوانە لە کاتێکدایە کە گرژییەکانی ناوچەکە لە نێوان گروپەکانی سەر بە "بەرەی بەرگری" و هێزەکانی ئەمریکا لە هەڵکشاندایە.
فەرماندەکە پێیوایە سەربازانی ئەمریکا بۆ پاراستنی گیانی خۆیان پەنا بۆ شوێنە پیرۆزەکان دەبەن.