عێراقچی لە چاوپێکەوتنێکدا ڕایگەیاند: “ئاگربەست قبووڵ ناکەین و شەڕ بەردەوام دەبێت تا گەیشتن بە ئامانجە سەرەکییەکانمان.”
ئەو ئاماژەی بەوە کرد کە کۆماری ئیسلامیی ئێران ڕازی نییە بە وەستانێکی کاتی، بەڵکو ئامانجی سەرەکی “یەکلاکردنەوەی کۆتایی”یە بۆ کۆتاییهێنان بە ململانێکان، نەک هەڵوەستانێک کە دواتر دووبارە بگەڕێتەوە.
وەزیری دەرەوەی ئێران جەختی کردەوە کە ئەم هەڵوێستە نیشانەی ئیرادەی تارانە بۆ بەردەوامبوون لە شەڕ تا دابینکردنی ئامانجە ستراتیژییەکان.
ئەم لێدوانانە لە کاتێکدا دێن کە هەوڵە نێودەوڵەتییەکان بۆ هێورکردنەوەی بارودۆخی ناوچەکە بەردەوامن، بەڵام بە هەڵوێستی نوێی تاران، دیارە کە ئاسۆی چارەسەری دیپلۆماسی لە ئێستادا سنووردارە و شەڕ بەرەو درێژبوون دەچێت.