زانا ئەحمەد ئاماژە بە توێژینەوەیەک دەکات و دەڵێت: ترەمپ ڕۆژانە لانی کەم ٢٠ درۆ دەکات، بەڵام ئەو پێی وایە ژمارەکە زۆر لەوە زیاترە. بۆیە ئەم ڕاگەیاندنکارە دەپرسێت:
"سەیرم لێ دێت، چی وایکردووە گەلی ئەمریکا دووجار ئەم پیاوە بهێننە سەر تەختەی شانۆی سیاسی و بیکەنە دەمڕاستی خۆیان؟ پیاوێک کە نەک تەنها خۆی، بەڵکو گەلی ئەمریکیشی کردووەتە مەهزەلەی میدیا و سۆشیاڵ میدیا."
لە بەشێکی تری گفتوگۆکەیدا، زانا ئەحمەد باس لەوە دەکات کە نزمیی ئاستی سیاسیی ترەمپ وایکردووە ببێتە ئامرازێک لەدەست "لۆبی جوولەکە" و بەدڵی خۆیان هەڵیبسووڕێنن. ئەو جەخت دەکاتەوە کە:
سەردەمی ترەمپ، سەردەمی پێشێلکردنی عورف و یاسا نێودەوڵەتییەکانە.
ترەمپ هیچ بەهایەکی بۆ نەتەوە یەکگرتووەکان نەهێشتووەتەوە و وەک "بووکەڵەیەک" مامەڵەی لەگەڵ دەکات.
بۆیە زانا پێی وایە ئەمریکا لەم سەردەمەدا زۆرترین قەیرانی لەگەڵ هاوپەیمانەکانیدا بۆ دروست بووە.
ئەم ڕاگەیاندنکارە هۆشداری دەدات لەوەی کە ترەمپ کەسایەتییەکی بێ متمانەیە و لێدوانەکانی بەیانی و ئێوارەی ١٨٠ پلە دژی یەکن. ئەو ئاماژە بەوە دەکات کە ترەمپ لەسەر هاندانی جوولەکە، چەندین جار "کاتی دانوستانی قۆستووەتەوە بۆ ئەنجامدانی هێرشی سەربازی"، بەبێ ئەوەی ڕێز لە هیچ بنەمایەکی دیپلۆماسی بگرێت.
زانا ئەحمەد پەنا بۆ دەقە ئایینییەکان دەبات و دەڵێت: بێ متمانەیی بەرامبەر بەو لایەنانەی ترەمپ ئاراستە دەکەن، ڕەگ و ڕیشەی مێژوویی هەیە و لە قورئانی پیرۆزدا ئاماژەی پێ دراوە. ئەو هۆشداری دەدات کە هەر کەسێک متمانەی تەواوی بەم جۆرە سیاسەتانە هەبێت، چارەنووسی بەرەو "تۆنێلێکی تاریک" دەچێت.