بەپێی تێڕوانینەکانی کاروان عەلی، یەکێک لە چەکە هەرە بەهێزەکانی ئیسرائیل لە مێژوودا، بەکارهێنانی میدیا بووە بۆ ئەوەی هەمیشە خۆی وەک "قوربانی" و بەرامبەرەکانی وەک "دڕندە" نیشان بدات. بەڵام لەم شەڕەدا ئەو وێنایە درزی تێبوە و جیهان ڕووی ڕاستەقینەی ئەم هاوپەیمانێتییەی بۆ دەرکەوتووە. نوسینەکە ئاماژە بەوە دەکات کە زمانی هەڕەشەی ئەمریکا و ئیسرائیل زۆرتر بۆ "ترساندن" بەکاردێت، چونکە زۆربەی لێدوانە توندەکانیان لە کرداردا جێبەجێ نەکراون و ناچار بوون ڕێگەی دیکە بگرنە بەر.
لە کاتێکدا ئیسرائیل و ئەمریکا هەوڵیانداوە لە ڕێگەی بە ئامانجگرتنی دامودەزگا مەدەنییەکان و ژێرخانی ئابوورییەوە، وورەی گەلی ئێران بڕوخێنن، بەڵام کاروان پێی وایە ئەم ستراتیژییە "تیرۆریستییە" ئەنجامی پێچەوانەی هەبووە.
چونک ئەوان وایان دەزانی دوای شەهیدکردنی سەرکردەکان، ئێران دەڕوخێت.
بەڵام لە ئەنجامدا شەهیدبوونی سەرکردەکان بووە هۆی ئەستورتربوونی ڕقی جەماوەری و یەکگرتوویی زیاتر دژی ئەمریکا و جولەکە.
ئەو شرۆڤەکارە بۆ جام کوردی جەخت لەسەر ئەوە دەکاتەوە کە ئێران لە ڕووی سەربازییەوە سوپرایزی گەورەی بۆ بەرامبەرەکانی هەبووە. کاریگەرییەکانی ئەم جەنگە تەنها لە مەیدانەکەدا نەمایەوە، بەڵکو:
فشاری ئابووری و داخستنی گەرووی هورمز هاواری هەموو جیهانی بەرزکردەوە.
لە ئێستاشدا بەکارهێنانی چەکی نوێ و خستنەخوارەوەی فڕۆکەکانی دوژمن، قەناعەتی لای ئەمریکا و ئیسرائیل دروستکرد کە بەردەوامبوونی شەڕەکە لە بەرژەوەندییاندا نییە.
چونکە بارانە موشەکییە بێوچانەکان و پێدانی گورزی کوشندە بە ناوچە ستراتیژییەکانی ئیسرائیل، هاوکێشەکەی گۆڕی.
لە کۆتایی گفتوگۆکەیدا کاروان عەلی دەڵێت: ئەو لایەنانەی پێشتر بە گاڵتەوە باسی گفتوگۆیان دەکرد، ئێستا لەژێر فشاری شکستەکاندا ڕێگەی دیپلۆماسییان قبوڵ کردووە. کۆماری ئیسلامی ئێران ئێستا لەوە تێگەیشتووە کە هەڕەشەکانی ئەمەریکا "ووتەی بێ ناوەڕۆکن".
ئەم جەنگە، وەک کاروان عەلی ئاماژەی بۆ دەکات، بەرەو قۆناغێک دەڕوات کە تێیدا گەلی "زوڵملێکراوی ئێران" بەسەرکەوتوویی دەردەچێت و بەرەی بەرامبەریش بە "سەرشۆڕی" و شکستەوە مەیدانەکە جێدەهێڵن.