جام کوردی - کۆماری ئیسلامیی ئێران ئەمڕۆ شەممە ڕایگەیاند كە عێراق لەو سنوورداركردنانە بەخشراوە كە بەسەر گەرووی هورمزدا سەپێنراوە.
بارەگای ناوەندیی خاتەم ئەلئەنبیا لە ئێران، لە بەیاننامەیەكدا ڕایگەیاندووە : عێراق لەو سنوورداركردنانە بەخشراوە كە بەسەر گەرووی هورمزدا سەپێنراوە.
ئیبراهیم زۆڵفەقاری، وتەبێژی بارەگای ناوەندیی خاتەم ئەلئەنبیای کۆماری ئیسلامیی ئێران ڕایگەیاند: ئێمە ڕادەگەیەنین کە برایانی عێراقی بێبەرین لە هەر کۆت و بەندێک کە لە گەرووی هورمز دامان سەپاندووە.
لە بەیاننامەیەکدا کە ئاراستەی گەلی عێراق کردووە، وتەبێژی خاتەم ئەلئەنبیە ڕایگەیاند، پشتیوانی و هاوسۆزییان بۆ نەتەوەکەیان، لەگەڵ هەوڵ و هەڵوێستەکانیان، لە لاپەڕەکانی مێژوودا تۆمار دەکرێت.
ئاماژەی بەوەشکرد، سڵاو لە نەتەوەی ئازیز و موسڵمان و بەشەرەفی عێراق دەکەین و هەوڵەکانتان لە ڕووبەڕووبوونەوەی ئەمریکا شایەنی ڕێز و ستایشن.
لە بەشێکی دیکەی بەیاننامەکەدا جەختی لەوە کردەوە کە عێراق لە هەر کۆت و بەندێک بێبەرییە کە بەسەر گەرووی هورمزدا سەپێنراوە و ئەو سنووردارکردنانە تەنیا وڵاتانی دوژمن دەگرێتەوە. ئاماژەی بەوەشکرد: ڕێزێکی زۆرمان بۆ سەروەری نیشتمانی عێراق هەیە.
وتەبێژی خاتەم ئەلئەنبیە هەروەها وتی: ئەی گەلی عێراق سەلماندتان کە ئێوە نەتەوەیەک نین کە کڕنۆش دادەنێن یان تەسلیم بن. ئێستا لەبەردەم دەرفەتێکی مێژووییدایت بۆ ئەوەی خۆت لە هەژموونی ئەمریکا ڕزگار بکەیت.
ناوبراو وێڕای ڕێزگرتن لە شەهیدانی عێراق ڕایگەیاند: نەتەوەی ئێران بەرزترین ڕێز و ڕێزی خۆی لە گیانی شەهیدانی نەتەوەی عێراق دادەنێت.