بە پێی ڕاپۆرتی جام کوردی، کریستیانۆ ڕۆناڵدۆ، هێرشبەری یانەی نەسر سعوودیە لە چاوپێکەوتنێکدا لەگەڵ کەناڵی یوتیوبی یانەکە ڕایگەیاند: من کەسێک نیم کە بە شێوەیەکی ستاندارد بیر بکەمەوە. من لە یاریزانانی دیکەی تۆپی پێ باشتر نیم، بەڵام شێوازی بیرکردنەوەم جیاوازە. ڕاستگۆبم، ڕاهێنەرایەتی بۆ من گونجاو نییە. بەلایەنی کەمەوە لە پێنج و دە یان تەنانەت بیست ساڵی داهاتوودا نا.

ناوبراو وتیشی: بێگومان هیچ شتێک لە ژیاندا دڵنیا نییە و هەموو شتێک دەگۆڕێت. من تەنیا بۆ یاری تۆپی پێ نەهاتووم بۆ سعوودیە. دەمەوێت ڕۆڵێکی گرنگ ببینم لە گۆڕانکارییەکانی ئەم وڵاتە و بەشێک بم لە گۆڕانکارییەکانی. بەڵێ، من پورتوگاڵیم بەڵام ئێستا هەست دەکەم بەشێک لە سعوودیەم./.