بەڕێوەبەرایەتی تونێلی پێشڕەو ئاگادارییەکی گرنگ ئاڕاستەی شۆفێران و هاوڵاتیان دەکات سەبارەت بە داخستنی کاتیی تونێلەکە بەهۆی ئەنجامدانی کاری چاکسازییەوە.
بەپێی بڕیارەکە، لە پێناو پاککردنەوە، بەردانی ئاوی پشتی دیواری تونێلەکە و چاکسازیکردن لە سەرجەم ئامێرە کارەبایی و میکانیکییەکاندا، تونێلی پێشڕەو بۆ ماوەی هەفتەیەک دادەخرێت.
وردەکاری کات و ڕێکەوتی داخستنەکە:
ڕێکەوتی دەستپێکردن: ڕۆژی یەکشەممە (17/5/2026)
کاتژمێرەکانی داخستن: شەوانە لە کاتژمێر (10:00)ی شەو تا کاتژمێر (5:00)ی بەرەبەیان.
ماوەی داخستن: کارەکە بۆ ماوەی یەک هەفتە بەردەوام دەبێت.
داوا لە شۆفێرانی بەڕێز دەکرێت بۆ پاراستنی سەلامەتی خۆیان و تووش نەبوون بە قەرەباڵغی، لەو ماوەیەدا ڕێگای جێگرەوە بەکاربهێنن و پابەندی ڕێنماییەکان بن.
