سەرچاوەیەکی باڵا لە وەزارەتی دارایی و ئابووریی هەرێمی کوردستان ڕایگەیاندووە پشکی هەرێم لە بودجەی عێراقی ساڵی ٢٠٢٧دا ١٣ تریلیۆن و ٧٩٩ ملیار دینار دیاری کراوە؛ ١٣ تریلیۆن و ٣٠٠ ملیار دینار بۆ مووچە و خەرجییەکان و ٤٩٩ ملیار دینار بۆ وەبەرهێنانە.سەرچاوەکە گوتی ئەم بڕە تەنانەت پێداویستییە ساڵانەی هەرێم بۆ مووچە و خانەنشینی و شایستەکانیش پڕ ناکاتەوە، چونکە هەرێم نزیکەی ١٤ تریلیۆن و ٣٢٩ ملیار دینار پێویستی هەیە. لەبەر ئەمە شاندێکی باڵای حکومەتی هەرێم ئەمشەو دەچێتە بەغدا بۆ گفتوگۆ لەسەر گۆڕینی پشکەکە؛ بەرپرسانی دارایی عێراقیش گوتوویانە گۆڕانکارییەکە پێویستی بە ڕێککەوتنی شاندە سیاسییەکانی هەردوو حکومەت هەیە.