تەنانەت لێکەوتە مەترسیدارەکانی رووخانی احتمالیی ئەم پاشایەتییە لەسەر ئاسایشی جیهانی و ناوخۆیی لەوانە:
۱. ڕۆژهەڵاتی ناوەڕاستی نوێ؛ ئەگەر سعودیە لەژێر فشاردا بڕوخێت، بە تەنیا ناکەوێت
بەپێی شرۆڤەکانی (بڕاڤین ساونی)، پسپۆڕی بەرگری، گەروی هورمز، باب المندب، و ئەو هێڵە بۆڕییەی کە ڕاستەوخۆ بەناو خاکی ئیسرائیلدا دەڕوات، سێ ناوەندی سەرەکی و یەکلاکەرەوەی ڕێکخستنەوەی نەخشەی ڕۆژهەڵاتی ناوەڕاست پێکدەهێنن.
لەوبارەیەوە (بنیامین ناتانیاهۆ)، سەرۆکوەزیرانی ئیسرائیل، بە ڕوونی جەختی لەوە کردووەتەوە کە پێویستە لە هەردوو خاڵی خنکاندنی ستراتیژی (هورمز و باب المندب) دوور بکەنەوە، چونکە کۆنتڕۆڵکردنیان کاریگەریی ڕاستەوخۆی لەسەر تەواوی هاوکێشە ئابوری و سەربازییەکانی جیهان دەبێت.
۲. ئیسرائیل و بەکارهێنانی لاوازیی سعودیە بۆ شاردنەوەی شکستەکانی لە غەززە
لەلایەکی ترەوە، میدیاکانی ئیسرائیل هەوڵ دەدەن لاوازییەکانی سعودیە ئاشکرا بکەن بە ئامانجی شاردنەوەی شکستە سەربازییەکانی سوپاکەیان لە کۆتاییپێهێنانی نەیارەکانیان.
لەو چوارچێوەیەدا، (تزڤی یەهێز)، پەیامنێری کەناڵی ۱۵ی ئیسڕائیل، دەڵێت:
"سعودیە وڵاتێکە کە بە نوێترین چەکی ڕۆژئاوایی تەیار کراوە و پێمانوابوو توانای هەموو شتێکی هەیە، بەڵام ئێستا سەیر بکەن کە حوسییەکان چی لێ دەکەن!"
سەرچاوەکانی جام کوردی ئاماژە بەوە دەکەن کە ئەمە لە کاتێکدایە ئیسرائیل خۆی زۆر زیاتر لە سعودیە لەلایەن هاوپەیمانەکانیەوە پشتگیری کراوە، بەتایبەت لەلایەن وڵاتانی ئەمریکا و ئەوروپا.
هاوکات لەگەڵ سەربازانی ئەمریکی و کۆمپانیای سەربازیی (بلاک ڕۆک)، ڕاستەوخۆ لەناو کەرتی غەززە بوون، کەچی پاش دوو ساڵ جەنگ نەیانتوانی تەواوی شاری غەززە (کە لە ڕووی ڕووبەرەوە ئەوەندەی شاری سلێمانییە) لە دەستی هێزە فەلەستینییەکان دەربهێنن.
۳. ئاشکرابوونی ڕاوێژکارانی ئیسرائیلی لە سعودیە لە چوارچێوەی سەنتکۆمدا
لە پەرەسەندنێکی تری هەواڵیدا، لە کاتی سەردانی وەفدێکی سەربازیی پاکستان بۆ سعودیە، ئەندامانی وەفدەکە تووشی سەرسوڕمان بوون کاتێک لە نزیکەوە بینیان بوون کە ژمارەیەک ڕاوێژکاری سوپای ئیسرائیل لەناو خاکی سعودیە و لە چوارچێوەی فەرماندەیی ناوەندیی ئەمریکا (سەنتکۆم)دا کار دەکەن.
چەند سەرچاوەیەکی ئاگادار ئەو دیمەنەیان کە لەلایەن وەفدە سەربازییە پاکستانییەکەوە بینراوە، پشتڕاست کردووەتەوە، ئەمەش نیشانەی تێکەڵاوبوونی زیاتری هێڵە سەربازی و هەواڵگرییەکانە لە ناوچەکەدا کە پێشتر لە دەرەوەی چاوی گشتی یان بە شێوەیەکی نهێنی بەڕێوەدەچوون.