هه‌شته‌مین پێشانگه‌ی فۆتۆگرافه‌رانی ئازاد كرايه‌وە. له‌م چالاكییه نێوده‌وڵه‌تییەدا، فۆتۆگرافه‌ری كورد ناسيح عه‌لی خه‌یات به به‌رهه‌مگه‌لێكی ڕه‌سه‌نی كولتووریی وه‌ك ته‌ماته‌ی شاره‌زوور و هه‌ناری هه‌ڵه‌بجه‌ی هه‌ڵبژێردراو به‌شداربووه، كه ئه‌مه‌ش وه‌ك پردێكی په‌یوه‌ندیی هونه‌ری بۆ ناساندنی توانا و دیمه‌نه سروشتییه‌كانی ناوچه‌كه ده‌ناسرێت.
وێنه‌ی هه‌ناری هه‌ڵه‌بجه و ته‌ماته‌ی شاره‌زوور له گه‌له‌ری «سرو»؛ گێڕانه‌وه‌ی جوانیی سروشتی كوردستان
پەیامنێری «جام کوردی» له ڕووماڵ و وتوێژێكدا له‌گه‌ڵ ناوبراو، وردەکاریی به‌شدارییه‌كەی وه‌رگرت. ناسيح عه‌لی خه‌یات له سه‌ره‌تای قسه‌کانیدا بۆ «جام کوردی» ڕایگه‌یاند كه ئه‌م پێشانگه‌یه نێوده‌وڵه‌تییه و له‌لایه‌ن گروپی فۆتۆگرافه‌رانی ئازاد له تاران کراوەته‌وەو ئه‌وه بۆ سێهه‌مین جاره كه به‌شدارى له‌و پێشانگه‌‌یه‌دا ده‌كات.
خه‌یات سه‌باره‌ت به ئاستی ركابه‌رییه‌كه ئاماژەی به‌وه دا: «له‌كۆی 400 فۆتۆگرافه‌ر، ته‌نیا 100 كه‌س هه‌ڵبژێردراون كه وێنه‌كانیان له‌و پێشانگه‌یه نمایش بكه‌ن، و له نێو ئه‌و 100 كه‌سه‌دا، من ته‌نیا كوردیکم كه به‌شداریم كردووه».
ناوبراو سه‌باره‌ت به ته‌وه‌ری ئه‌مساڵی پێشانگه‌كه ڕوونی كرده‌وه كه پێشانگه‌كه هه‌موو ساڵیک ده‌كريته‌وە و هه‌ر ساڵيك تایبه‌ت ده‌كرێ به بوارێكی فۆتۆ،
بۆ ئه‌مساڵیش تایبه‌ت كراوه به شێوازی ژیان و به‌رهه‌مهێنانی ئه‌و میوه و به‌روبوومانه‌ی كه له ناوچه‌ی ژيانی فۆتۆگرافه‌ره‌كاندا به‌رهه‌مدێت.
هه‌روه‌ها باسی له‌وه كرد كه به دوو وێنه به‌شداریم كردووه، یه‌كێكیان وێنه‌ی هه‌ناری هه‌ڵه‌بجه و ئه‌وه‌یتريشیان وێنه‌ی ته‌ماته‌ی شاره‌زووره.
۳. ناساندنی ڕێچکه‌ی هونه‌ری و مێژووی چالاكییه‌كانی ناسيح عه‌لی خه‌یات
له ته‌وه‌رێکی تری وتوێژه‌که‌دا، پەیامنێری «جام کوردی» تیشکی خسته سه‌ر پێگه و مێژووی کاری هونه‌رمه‌نده‌كه.
ناسيح عه‌لی خه‌یات ساڵی 1982 له هه‌ڵه‌بجه له دایكبووه، له ساڵی 2000ه‌وه دەستيكردووه به كاری فۆتۆگرافه‌ری و ئێستا به یه‌كێك له دیارترین فۆتۆگرافه‌رانی كوردستان ده‌ژمێردرێت.
ناوبراو له درێژه‌ی كاروانه هونه‌رییه‌كه‌یدا تائێستاش به‌شدارى له 52 پێشانگه‌ی هاوبه‌ش و تایبه‌تدا كردووه له ناوخۆ و ده‌ره‌وه‌ی باشووری كوردستان،
كه ئه‌مه‌ش پێگه و ده‌ستكه‌وت و دڵسۆزیی ناوبراو بۆ خزمه‌تكردن به هونه‌ری فۆتۆگرافی دووپات ده‌كاته‌وه.