جام کوردی - ئێمە هاتووین تا پەیامێکی ڕوون بۆ ئەوی تری سنوورەکان بنێرین؛ پەیامێک لە خاکی ئێرانەوە، لە نەتەوەیەک کە مێژووی لەگەڵ خۆڕاگریدا گرێ دراوە و ئیرادەی بە هەڕەشە، سزا و جەنگی دەروونی تێکناشکێت.
ڕوو لە ترامپ، ئیسرائیل و ئەو لایەنە جیاخوازانەی کە لەسەر کەلێنە ناوخۆییەکانی ئێران حسابیان کردووە، دەبێت بگوترێت: ئێرانی ئەمڕۆ بە لێکدانەوەکانی دوێنێ هەڵمەسەنگێنن؛ ئەم جارە هاوکێشەکانی جەنگ جیاوازن.
ئەوانەی پێیان وایە فشاری ئابووری، هەڕەشەی سەربازی و وروژاندنی جیاوازییە نەتەوەییەکان دەتوانێت ئێران لە ناوەوە لاواز بکات، هێشتا ڕاستیی کۆمەڵگەی ئێران و قووڵایی پەیوەندییە مێژووییەکانی خەڵکی ئەم خاکەیان بە دروستی نەناسیوە. ئێران، خاکی نەتەوەکان، زمانەکان و فەرهەنگە جۆراوجۆرەکانە؛ کورد، فارس، تورک، عەرەب، لور و بلووچ، هەموویان بەشێکن لە ناسنامەی یەک نەتەوە و هیچ لایەنێکی جیاخواز نوێنەرایەتیی خەڵکی بەڕێزی ئەم خاکە ناکات.
خەڵکی ئێران چەندین جار پیشانیان داوە کە لە نێوان ڕەخنە و داواکاریی ناوخۆیی لەلایەک و هەڕەشە لەسەر سەروەریی خاکی وڵات لەلایەکی ترەوە، جیاوازیی ڕوون دەکەن. داواکارییەکانی خەڵک نابێت ببنە بەهانەیەک بۆ دەوەردانی دەرەکی و ناسنامەی نەتەوەیی ناتوانێت ببێتە ئامرازێک بۆ پێشخستنی پڕۆژە سیاسییەکانی ئەوانی تر.
بۆ ترامپ و بڕیاردەرانی تەلئەبیبیش دەبێت ڕاستییەک ڕوون بێت: جەنگ گۆڕەپانی لێکدانەوەی یەکلاپەنە نییە. هەر ستراتیژییەک کە تواناکانی ناوچەیی ئێران، پەیوەندییە کۆمەڵایەتی و مێژووییەکانی و دەرئەنجامە فراوانەکانی ناسەقامگیری لە ناوچەکەدا پشتگوێ بخات، لەوانەیە ڕووبەڕووی دەرئەنجامێک بێت کە داڕێژەرانی پێشبینییان نەکردبێت. دەسەڵاتی ئێران تەنها بە ژمارە سەربازییەکان یان فشاری ئابووری ناپێورێت؛ پێگەی ژئۆپۆلیتیکی، تواناکانی مرۆیی و قووڵایی مێژوویی ئەم وڵاتەش بەشێکن لە هاوکێشەکە.
لەم نێوەندەدا، «جام کوردی» هاتووە تا دەنگی ڕەسای خەڵکی ئێران و ڕەنگدانەوەی دیدگا و هەڵوێستی بەرپرسانی وڵات بێت؛ میدیایەک کە لەم لای سنوورەوە، پەیامی ئێران بە زمانەکانی فارسی و کوردی دەگەیەنێتە مخاطبەکانی ناوچەکە و رێگا نادات گێڕانەوەی ئێران تەنها لە پەنجەرەی میدیا نەیارەکانەوە نیشان بدرێت.
ئێمە باوەڕمان وایە کە ئاسایش و داهاتووی خەڵکی کوردستان، چ لە ئێران و چ لە هەرێمی کوردستانی عێراق، بەستراوە بە سەقامگیری، گەشەپێدان، بەیەکەوەژیان و دوورکەوتنەوە لە بوون بە ئامرازی کێبڕکێی هێزە دەرەکییەکان. خەڵکی کورد سەرمایەی مرۆیی و فەرهەنگی ناوچەکەن، نەک مۆرەیەک بۆ یارییە تێچووە گەورە سیاسییەکان.
پەیامی «جام کوردی» ڕوونە: ئێران وڵاتێکە خاوەن ڕەگ و ڕیشەی قووڵی مێژوویی و توانای بەرفراوانی نەتەوەیی و ناوچەیی. هەرکەسێک بۆ داهاتووی ئەم خاکە نەخشە بکێشێت، دەبێت ڕاستیی ئێران بناسێت؛ نەک ئەو وێنەیەی کە لە ژوورەکانی جەنگی دەروونیدا دروست کراوە.
ئێمە هاتووین تا دەنگی ئێران بین؛ دەنگی خەڵک، دەنگی ناسنامەی نەتەوەیی و دەنگی خۆڕاگری لە بەرامبەر هەڕەشەدا. ئەم جارە دەبێت هاوکێشەکان لە سەرەتایەکی نوێوە بخوێنرێنەوە.