جام کوردی - سنووری پارێزگا و ناوەندی شاری هەڵەبجە، کە بە بەرهەمی هەنار و دەوڵەمەندیی کشتوکاڵییەکەی ناسراوە، لە وەرزی پاییزدا دەبێتە مەبەستی سەردانی ژمارەیەکی زۆر لە هاووڵاتییان و گەشتیاران. فێستیڤاڵی هەنار و پایزی ئەم شارە، تەنها بۆ پیشاندانی بەرهەمە کشتوکاڵییەکان نییە، بەڵکو دەرفەتێکە بۆ ناساندنی توانای بەرهەمهێنەرانی ناوخۆیی، پەرەپێدانی بازاڕی بەرهەمە کوردییەکان و زیندووڕاگرتنی نەریت و کولتووری ناوچەکە.