جام کوردی - وەزیری دەرەوەی کۆماری ئیسلامی ئێران سەبارەت بە ڕاوێژەکانی لەگەڵ هاوتا چینییەکەی لە پەکین، وتی: لەم دانیشتنەدا بابەتگەلێک لەوانە شەڕ، چۆنیەتی کۆتایی هێنان بە شەڕ، پرسەکانی پەیوەست بە بەرنامەی ئاشتیانەی ناڤۆکیی ئێران، سزاکان، گەرووی هورمز و پێویستی ڕێزگرتن لە مافەکانی ئێران تاوتوێ کران.

سەید عەباس عێراقچی، وەزیری دەرەوەی ئێران کە بەرەبەیانی ئەمڕۆ (چوارشەممە، ٦ی ئایار)، گەیشتە پەکین، بۆ دیدار و ڕاوێژ لەگەڵ هاوتا چینییەکەی وانگ یی، سەبارەت بە گەشتەکەی بۆ پەکین و دیدارەکەی لەگەڵ وەزیری دەرەوەی چین، وتی: دۆستانی چینیمان پێیان وایە کە ئێران دوای شەڕ جیاوازە لە ئێران پێش شەڕ، هەروەها پێگەی نێودەوڵەتی باشتر بووە و توانا و دەسەڵاتی خۆی سەلماندووە، بۆیە سەردەمێکی نوێی هاوکاری نێوان ئێران و وڵاتانی دیکە لەپێشە.

عێراقچی لە ڕوونکردنەوەی تەوەری وتووێژەکەی لەگەڵ وانگ یی، زیادی کرد: پێداچوونەوەمان بە هەموو پرسەکانی ئێستا کرد لەوانە شەڕ، چۆنیەتی کۆتایی هێنان بە شەڕ، بابەتەکانی پەیوەست بە بەرنامەی ئاشتیانەی ئەتۆمی ئێران، گەمارۆکان، گەرووی هورمز و پێویستی ڕێزگرتن لە مافەکانی ئێران.

هەفتەی ڕابردوو وەزیری دەرەوەی ئێران سەفەری بۆ پاکستان، عومان و ڕووسیاش کرد.