مستەفا نەزار، وەزیری بازرگانیی عێراق، ڕایگەیاند دوای دیاریکردنی شایستەکە لەلایەن وەزارەتی دارایی، دەست بە خەرجکردنی 350 ملیار دینار شایستەی جووتیارانی عێراق و هەرێمی کوردستان دەکرێت. ئەو پارەیە بۆ پاڵپشتیکردنی جووتیاران و بەهێزکردنی بەرهەمی ناوخۆییە، بە تایبەتی گەنم کە بەرهەمێکی ستراتیژییە و ڕۆڵێکی گرنگ لە ئاسایشی خۆراکدا هەیە. حکوومەتی عێراق نزیکەی 400 هەزار تۆن گەنمی هەرێمی کوردستانی وەرگرتووە و هێشتا 141 ملیار دینار لە شایستەی گەنمی پێشووی جووتیاران لای حکومەت ماوە. بە گشتی، لەگەڵ شایستەی ساڵی پێشوو، نزیکەی 400 ملیار دینار پارەی گەنمی جووتیارانی هەرێمی کوردستان لای حکومەتی عێراقە.