دوای سێ ڕۆژ تەرمی گەشتیارێکی عەرەب لە زێی تەق تەق دۆزرایەوە

ڕۆژی شەممە گەشتیارێکی عەرەب بە ناوی عەبدوڵڵا نزاری تەمەنی 18 ساڵ لەگەڵ هاوڕێیانی بۆ گەشتکردن سەردانی ناوچەی تەق تەق کردبوو، بەڵام لە زێی تەق تەق ڕووداوێکی خنکان ڕوویدا و گیانی لەدەستدا؛ بەپێی لێدوانی بەڕێوەبەری بنکەی پاراستنی زێی تەق تەق، داوا لە بەڕێوەبەری بەنداوی دووکان کرا بۆ کەمکردنەوە و وەستاندنی بەردانەوەی ئاو، پاش کەمکردنەوەی ئاو لە کاتژمێر 1ی بەرەبەیان و وەستاندنی بە تەواوی لە کاتژمێر 8ی بەیانی، سێ تیمی غەواسی دەستیان بە گەڕان کرد تا لە کاتژمێر 1ی پاشنیوەڕۆدا تەرمەکە دۆزرایەوە و دواتر ڕادەستی پۆلیس کرا، پاش ئەوەش بردرایە پزیشکی دادوەری کۆیە بۆ لێکۆڵینەوە و دواتر ڕادەستی کەسوکارەکەی دەکرێتەوە، ئەم ڕووداوە بووە هۆی خەم و نیگەرانی لە نێو خەڵکی ناوچەکە.