سوپای پاسدارانی ئینقلابی ئێران لە بەیاننامەیەکدا ڕایگەیاند: لە کاردانەوە بە دەستدرێژی شەوی ڕابردوو بۆ سەر کەناراوەکانی باشووری وڵات و شارەکانی ئەو وڵاتە، بنکەی سوپای تیرۆریستی ئەمریکا لە کوێت بە هێرشی یەکگرتوو کراوەتە ئامانج.
بەپێی ڕاپۆرتی تەلەفزیۆنی فەرمی ئێران، سوپای پاسدارانی ئێران لە بەیاننامەیەکدا کە ئاراستەی گەلی ئێرانی کردووە، ڕایگەیاندووە: خەڵکی بوێر و بەبڕوای ئێران! دوابەدوای دەستدرێژیی شەوی ڕابردووی دوژمن بۆ سەر بەشێک لە کەناراوەکانی باشوور و شارەکانی ئێران، کوڕە ئازا و قارەمانەکانتان لە هێزی دەریایی و ئاسمانی سوپای پاسداران، لە شەپۆلی هەشتەمی ئۆپەراسیۆنی نەسری ٢، لە ئۆپەراسیۆنێکی هاوبەشدا بە بەکارهێنانی هێزی مووشەک و فڕۆکەی بێفڕۆکەوانەکەیان، سیستەمی ڕاداری شەڕی پێشوەختەی C-RAM یان لە عەلی کردە ئامانج و لەناویان برد بنکەی ئەلسالم، هەروەها شوێنی کۆبوونەوەی سەربازە تاوانبارەکانی سوپای تیرۆریستی ئەمریکا.
لە بەیاننامەکەدا هاتووە: جارێکی دیکە خەڵکی بەشەرەفی کوەیت بیردەخەینەوە کە ئەم تاوانانە لەلایەن ئەمریکاوە بە کەڵک وەرگرتن لە خاکی ئێوە دژی ئێرانی موسڵمان ئەنجام دەدرێت.
لە ڕاگەیەندراوەکەدا جەخت کراوەتەوە: چاوەڕێی ئێوەی خوشک و برایانی موسڵمان دەکەین وڵاتەکەتان لە دەستدرێژکاران پاک بکەنەوە و بە جێبەجێکردنی ئەرکی ئیسلامی خۆتان شەرەف و کەرامەتی مێژوویی خۆتان بپارێزن.