وەزارەتی خوێندنی باڵای عێراق وەرگرتنی بەرپرسانی پلەباڵا لە خوێندنی ئێواران قەدەغە کرد. بەپێی بڕیارێکی نوێ، ئەندامانی پەرلەمان، وەزیرەکان، بریکاری وەزیر، بەڕێوەبەرە گشتییەکان و هەموو ئەو بەرپرسانەی لە هەمان ئاستی پلەدان، چیتر مافی وەرگرتن لە خوێندنی ئێوارانی زانکۆ حکومی و تایبەتەکان بۆ بەدەستهێنانی بڕوانامەی بەکالۆریۆسیان نابێت. ئەم بڕیارە بە مەبەستی ڕێگریکردن لە بەکارهێنانی پۆست و دەسەڵات بۆ وەرگرتنی بڕوانامە بەبێ ڕێکاری یاسایی دەرکراوە و هەموو ئەو بەرپرسانەش دەگرێتەوە کە بە مۆڵەتی خوێندن یان ڕاسپاردنەوە خوێندنیان ئەنجام دەدا.