لە ساڵانی ڕابردوودا، لەگەڵ زیادبوونی تێچووی پزیشکی لە زۆرێک لە وڵاتانی ناوچەکەدا، ژمارەیەکی بەرچاو لە نەخۆشە عێراقییەکان ئێرانیان وەک شوێنی چارەسەری خۆیان بۆ جۆرەکانی نەشتەرگەری، خزمەتگوزاری ددان، چارەسەری نەزۆکی، نەشتەرگەری چاو، هەڵبژاردووە. توێژینەوەکان دەریدەخەن کە هۆکاری ئەم هەڵبژاردنە تەنها نزیکیی جوگرافی نییە.
بەڵکو جیاوازییەکی بەرچاو لە تێچووی چارەسەر، هاوکات لەگەڵ کوالیتی بەرزی خزمەتگوزاری پزیشکی لە ئێراندا، وای کردووە کە ئەم وڵاتە لە بژاردەکانی دیکە پێیان باشتر بێت.
بۆچی چارەسەر لە ئێراندا سەبارەت بە زۆرێک لە وڵاتانی دیکەی ناوچەکە هەرزانترە؟
یەکێک لە تێڕوانینە هەڵە باوەکان ئەوەیە کە کەمی تێچووی چارەسەر لە ئێراندا بە واتای نزمی کوالیتی خزمەتگوزاریی پزیشکی دێت، لە کاتێکدا لێکۆڵینەوەکان دەریدەخەن کە گرینگترین هۆکاری ئەم جیاوازی نرخە، پێکهاتەی ئابووری و تێچووی ناوخۆی وڵاتی ئێرانە. تێچووی مووچەی هێزی مرۆیی، خزمەتگوزارییەکانی نەخۆشخانەکان، شوێنی نیشتەجێبوون و تەنانەت زۆرێک لە کەرەستەی بەکارهێنراو لە ئێراندا کەمترە لە چاو وڵاتانی دیکە وەک تورکیا، ئوردن و هەندێک لە وڵاتانی کەنداو، ئەمەش ڕێگە بە نەخۆشە بیانییەکان دەدات هەمان خزمەتگوزاری پزیشکی بە تێچووی کەمترەوە وەربگرن.
لە لایەکی دیکەوە نرخی ئاڵوگۆڕی دراویش ڕۆڵێکی گرنگی هەیە لە کەمکردنەوەی تێچووی کۆتایی بۆ نەخۆشە عێراقییەکان. هەر لەبەر ئەم هۆکارە، زۆرێک لە نەشتەرگەرییەکان، چارەسەری تایبەتمەند و خزمەتگوزارییەکانی ددان لە ئێراندا بە شێوەیەکی بەرچاو هەرزانترن لە وڵاتانی دراوسێ؛ پرسێک کە لەم ساڵانەی دواییدا بووتە هۆی زیادبوونی گەشتی پزیشکی لە عێراقەوە بۆ شارە جۆراوجۆرەکانی ئێران.
هەرزان بوون بە مانای یەکسانبوونی کوالیتی نییە لە هەموو ناوەندەکاندا
ڕاستە کە تێچووی چارەسەر لە ئێراندا سەبارەت بە زۆرێک لە وڵاتانی ناوچەکە کەمترە، بەڵام ئەمە بەو مانایە نییە کە کوالیتی خزمەتگوزارییەکان لە هەموو نەخۆشخانەکان و ناوەندە پزیشکییەکاندا وەک یەک و یەکسان بێت. ئەزموونی پزیشک و دامەزراوەکانی نەخۆشخانەکە و پابەندبوون بە ستانداردە نێودەوڵەتییەکان و مێژووی چارەسەرکردنی نەخۆشە بیانییەکان هەموو ئەو هۆکارانەن کە دەتوانن کاریگەرییان لەسەر دەرئەنجامی چارەسەرکردنەکە هەبێت.
هەر لەبەر ئەم هۆکارەش پێشنیار دەکرێت پێش گەشتکردن، جگە لە بەراوەردکردنی تێچووەکان توێژینەوە لەسەر پزیشک و سەنتەری چارەسەرکردنەکەش بکرێت. ئێوە دەتوانن لە ڕێگەی کۆمپانیایەکی گەشتیاری پزیشکی لە ئێران کە هاوکاری نەخۆشخانە و پزیشکە بەناوبانگەکان دەکەن، ئەم زانیاریانە بەدەست بهێنن.
ئەمەش دەبێتە هۆی ئاراستەکردنی نەخۆشەکە بۆ سەنتەری چارەسەری گونجاو بەپێی جۆری نەخۆشیەکە و بودجە و شاری دڵخوازی خۆی، هەروەها ڕێگری دەکات لە هەڵبژاردنی هەڵە یان خەرجییە ناپێویستەکان.
هەروەها باشترە پێش ئەوەی هەڵبژاردەی کۆتایی بکەیت، تێچووی نزیکەیی هەموو قۆناغەکانی چارەسەرکردن، پشکنینەکان، کاتی خەواندن لە نەخۆشخانە و چاودێری دوای دەرچوون دیاری بکرێت. هەندێک جار سەنتەرێک سەرەتا نرخێکی کەمتر ڕادەگەیەنێت، بەڵام تێچووی زیادەی چارەسەرەکە بە جیا حیسابی بۆ دەکرێت و بڕی کۆتایی زیاد دەکات.
وەرگرتنی زانیاری ڕوون و پێداچوونەوە بە چەندین بژاردەی باوەڕپێکراو، یارمەتی نەخۆش دەدات کە سوود لە کەمترین تێچووی ئێران وەربگرێت، بەبێ ئەوەی مەترسی لەسەر کوالیتی چارەسەرکردن درووست بکات.
بەراوردکردنی ئێران لەگەڵ شوێنەکانی تری چارەسەری لە ناوچەکەدا
هەرچەند وڵاتانی دیکە وەک تورکیا، ئوردن و ئیماراتیش لە بواری گەشتیاری پزیشکیدا چالاکن، بەڵام بۆ زۆرێک لە نەخۆشە عێراقییەکان، بەزۆری تێچووی کۆتایی چارەسەر لەم وڵاتانەدا زیاترە لە ئێران. ئەم جیاوازییە تەنها بە تێچووی نەشتەرگەری سنووردار نییە و تێچووی شوێنی نیشتەجێبوون و پشکنینی دەستنیشانکردن و سەردانی پزیشک و تەنانەت گواستنەوەش کاریگەری لەسەر بڕی کۆتایی هەیە.
بێگومان تێچووی چارەسەرکردن لە هەر وڵاتێکدا بەندە بە جۆری نەخۆشییەکە و نەخۆشخانەی هەڵبژێردراو و پزیشکەکەوە، بەڵام لە زۆرێک لە چارەسەرە خواستراوەکان، وەک نەشتەرگەری چاو، ئێسک، پزیشکی ددان، نەزۆکی و نەشتەرگەری جوانکاری، ئێران هێشتا یەکێکە لە بژاردە گونجاوەکان بۆ نەخۆشە عێراقییەکان. هەر لەبەر ئەم هۆکارە، زۆرێک لە نەخۆشەکان، پێش ئەوەی بڕیاری کۆتایی بدەن، پرسیار دەکەن لەبارەی تێچووی چارەسەرکردنیان لە چەند وڵاتێکدا و دواتر شوێنی چارەسەرکردنیان هەڵدەبژێرن.
ئایا لە بارودۆخی گرژی و ئاڵۆزییەکانی ئێستای ناوچەکەدا هێشتا دەکرێت بۆ چارەسەری پزیشکی گەشت بۆ ئێران بکرێت؟
سەرەڕای ئاڵۆزییەکانی ئەم دواییەی ناوچەکە، سەفەری پزیشکی بۆ ئێران بەتەواوەتی ڕانەگیراوە و زۆرێک لە ناوەندە پزیشکییەکان بەردەوامن لە پێشکەشکردنی خزمەتگوزاری بۆ نەخۆشە ناوخۆیی و بیانییەکان. بەڵام ئامۆژگاری دەکرێت کە نەخۆشەکان پێش گەشتکردن دوایین دۆخی ڕێگاکانی چوونە ژوورەوە و شاری مەبەست و کاتی وەرگرتن لە نەخۆشخانە، بپشکنن بۆ ئەوەی دڵنیابن کە پلانی چارەسەرکردنیان بە ئاسانی و بەبێ کێشە دەڕواتە پێش.
لە کاتی نووسینی ئەم گوتارەدا، واتا لە ٢٢ی تەمموزی ٢٠٢٦دا، ململانێی نێوان ئێران و ئەمریکا هێشتا بەردەوامە و لە بەشێک لە باشوور و ناوچەکانی پەیوەست بە ژێرخانی سەربازی و دەریایی ئێران گرژییەکان بوونی هەیە. بەڵام ئەمە بەو مانایە نییە کە نەخۆشخانەکانی ئێران داخراون یان خزمەتگوزارییە پزیشکییەکان لە سەرتاسەری وڵاتدا ڕاگیراون.
نەخۆشخانە و ناوەندە پزیشکییەکان و هەموو نووسینگە پزیشکییەکان بەردەوامن لە کارکردن. پرسێکی تری گرنگ جیاوازی نێوان شارەکانی ئێرانە. ئێران وڵاتێکی گەورەیە و ڕوودانی هێرش یان پەککەوتن لە ناوچەیەکدا مەرج نییە بەو مانایە بێت کە هەلومەرجێکی هاوشێوە لە هەموو پارێزگاکاندا هەبێت.
نرخ و کوالیتی خزمەتگوزارییە پزیشکییەکان لە ئێراندا، مێژوو و ڕەزامەندی ئەو نەخۆشانەی کە لە ساڵانی ڕابردوودا بەدەستی هێناوە، بووە بە هۆی ئەوەی کە ڕووداوەکانی ئەم دواییە پەککەوتنێکی ئەوتۆیان لەسەر ڕاکێشانی نەخۆشە نێودەوڵەتییەکان نەبێت.