سەلوان ئاکرەیی، ئەندامی پەرلەمانی عێراق لە فراکسیۆنی پارتی، ڕایگەیاندووە وەزیری دارایی عێراق پێی گوتوون ئەمڕۆ مووچەی هەموو مووچەخۆرانی عێراق دابەش کراوە و ئێستا ٦٠٠ ملیار دینار بۆ دابینکردنی مووچەی هەرێمی کوردستان کۆکراوەتەوە.بەپێی لێدوانەکە، هەرێمی کوردستان بەلایەنی کەمەوە پێویستی بە ٨٤٠ ملیار دینار هەیە و وەزیری دارایی بەڵێنی داوە بڕی پێویست تا هەفتەی داهاتوو کۆبکرێتەوە و بۆ هەرێم بنێردرێت.هەروەها، پەرلەمانتارە کوردەکان داوایان کردووە پارە کۆکراوەکە بۆ هیچ بوارێکی دیکە خەرج نەکرێت تا مووچەی فەرمانبەرانی هەرێم دابین بکرێت، و وەزیری دارایییش لەسەر ئەمە بەڵێنی داوە.