ئەندامێکی لیژنەی دارایی لە پەرلەمانی عێراق: حکومەت بە ئاراستەی لابردنی سفرەکانی سەر دینار هەنگاو دەنێت

لە مانگی ئایاری 2024دا وێنەی دراوێکی نوێی عێراقی بە نرخی 100 هەزار دینار بڵاوکرایەوە کە وێنەی ئەندازیاری ناسراوی عێراقی، زەها حەدید، لەسەر بوو؛ بەڵام بانکی ناوەندیی عێراق بە زوویی ڕایگەیاند کە ئەو دراوە ساختەیە و هیچ دراوێکی 100 هەزار دیناری چاپ نەکراوە.لە کۆبوونەوەی لیژنەی دارایی پەرلەمان لەگەڵ سەرۆکوەزیران و پارێزگاری بانکی ناوەندی، هیچ باسێک لە چاپکردنی دراوی 100 هەزار دیناری نەکراوە؛ بەڵکو سەرۆکوەزیران داوای هاوکاری بۆ پەسندکردنی یاسای لابردنی سفرەکانی سەر دینار کردووە.جەمال کۆچەر، ئەندامی لیژنەی دارایی، گوتی باوەڕ ناکات بڕیارێکی حکومی بۆ چاپکردنی دراوێکی نوێ هەبێت و دواتر سفرەکانی سەر دینار لاببرێن، چونکە داواکاریی ئێستا تەنیا پەیوەندیدارە بە لابردنی سفرەکان.تا ئێستا، نە چاپکردنی دراوی نوێ و نە لابردنی سفرەکان بە شێوەیەکی کۆتایی و فەرمی بڕیاری لەسەر نەدراوە.