پرۆسەی جێبەجێکردنی سیستمی گومرگی ASYCUDA لە نێوان هەرێمی کوردستان و حکوومەتی فیدراڵی قۆناغەکانی پێشووی تێپەڕاندووە و ئێستا تەنیا چاوەڕوانیی دانانی بابەتەکەیە لە بەرنامەی کاری ئەنجوومەنی وەزیرانی عێراق و وەرگرتنی ڕەزامەندیی کۆتایی.بەپێی لێدوانی سامی جەلال، راوێژکاری یاسایی وەزارەتی ناوخۆ، جێبەجێکردنی ئەم سیستەمە ئامانجی یەکخستن و ڕێکخستنی کاروباری گومرگ و سنوورەکان، کەمکردنەوەی گەندەڵی و زیادکردنی داهاتی نانەوتی هەیە. ASYCUDA سیستەمێکی ئەلیکترۆنییە بۆ خۆکارکردن و یەکخستنی پرۆسە گومرگییەکان و پێشتر لە دەروازە سنوورییەکانی ناوەڕاست و باشووری عێراق جێبەجێ کراوە.