"ئارمین شەمسی پوور" شەوی ڕابردوو لە کێشی ٥٥ کیلۆدا لە پاڵەوانێتی جیهانی لاواندا، میدالیای زێڕی بەدەستهێنا.
فیدراسیۆنی زۆرانبازی جیهانی نووسیویەتی: بۆ دووەم ساڵی لەسەریەک ئێران تەنیا یەک میدالیای زێڕی زۆرانی فەرەنگی لە پێشبڕکێکانی جیهانی تەمەن ژێر ٢٠ ساڵان کۆتایی بە ژیانی وەرزشی خۆی دەهێنێت. ئێران ساڵی ڕابردوو میدالیای زێڕی بەدەستهێنا، بەڵام ئەمساڵ لە پاڵەوانێتی تیپی زۆرانبازی فەرەنگی کشایەوە.
فیدراسیۆنی جیهانی زۆرانبازی بە ئاماژەدان بە ئاستی شەمسی پوور نووسیویەتی: لە نێو ئەو هەموو نائومێدییەی کە لە ئاستی ئێراندا هەیە، ئەو وڵاتە ئەستێرەیەکی بۆ داهاتوو دۆزیوەتەوە. دوای دوو ساڵ لە بردنەوەی نازناوی پاڵەوانێتی جیهانی تەمەن خوار ١٧ ساڵان، ئارمین شەمسی پوور لە تەمەنی ١٨ ساڵیدا نازناوی پاڵەوانێتی جیهانی تەمەن خوار ٢٠ ساڵانی بە ناوی خۆیەوە تۆمار کرد.
شەمسی پوور کە دوای بەدەستهێنانی میدالیای زێڕی تەمەن خوار ١٧ ساڵان لە ساڵی ٢٠٢٤ سەرنجی ئێرانی بۆ لای خۆی ڕاکێشا، شەوی ڕابردوو بەرامبەر بە ڕکابەرێکی خەڵکی جۆرجیا بە ئەنجامی ١٢-٢ سەرکەوتنی بەدەستهێنا و تاکە میدالیای زێڕی ئێرانی لەو پاڵەوانەتییەدا بەدەستهێنا.