مەسرور بارزانی، سەرۆکوەزیرانی هەرێمی کوردستان، لە چاوپێکەوتنێکدا دۆخی سیاسیی هەرێم و هۆکارەکانی دواخستنی پێکهێنانی کابینەی نوێی حکومەت تاوەکو ٢٠ مانگ دوای هەڵبژاردنەکان خستەڕوو. ئەو گوتی پارتی دیموکراتی کوردستان لە سەرەتاوە پشتگیریی کاراکردنەوەی پەرلەمان کردووە و بەردەوامە لە هەوڵەکان بۆ پێکهێنانی حکومەتێکی بنکەفراوان بە بەشداریی یەکێتیی نیشتمانیی کوردستان و لایەنە سیاسییەکانی دیکە، بەڵام جیاوازیی بۆچوونەکان بووەتە هۆی درێژبوونەوەی پرۆسەکە. سەرۆکوەزیران هەروەها گوتی هەوڵەکان بۆ گفتوگۆ و پێکهێنانی حکومەت بەردەوام دەبن و بەرژەوەندیی گشتیی گەلی کوردستان دەبێت لە سەرووی بەرژەوەندییە حزبی و کەسییەکان بێت.