مایکل جۆردەن لە لێواری تۆمارێکی مێژووییدایە؛ ئەو درێسەی کە لە یاری سێیەمی یاری کۆتایی NBA، لە ساڵی 1998دا بەرامبەر یانەی یوتا جاز لەبەری کردبوو، بڕیارە بخرێتە زیادکردنەوە، خاوەنەکەی پێی وایە دەتوانێت تا ١٠٠ ملیۆن دۆلار لە فرۆشتنی ئەو دێرسە بەدەستبهێنێت.
ئەم درێسە دەگەڕێتەوە بۆ وەرزی بەناوبانگی "دواین سەما"ی جۆردەن، کە دوا پاڵەوانێتی لەگەڵ یانەی شیکاگۆ بولز بوو. جۆردەن لەو یارییەدا ٢٤ خاڵی تۆمار کرد و بولز بە ئەنجامی ٩٦-٥٤ لە یانەی یوتا جازی بردەوە؛ جیاوازی ٤٢ خاڵەکە هێشتا گەورەترین جیاوازییە لە مێژووی یاری کۆتایی NBAدا.
بەڵام ١٠٠ ملیۆن دۆلار بڕە پارەیەکی یەکلاکەرەوە نییە؛ کۆمپانیای جوپیتەر ئۆکشنز بەهای پێش فرۆشتنی درێسەکەی لە نێوان ١٠ بۆ ١٥ ملیۆن دۆلار خەمڵاندووە. زیادکردنەکە لە ١٥ی ئەیلوولی ٢٠٢٦ دەست پێدەکات.
ژمارەی پێوانەیی ئێستای گرانترین درێسی جوردەن بەدەست درێسی یاری کۆتایی ساڵی ١٩٩٨ی یاری یەکەمەوەیە کە لە ساڵی ٢٠٢٢ بە ١٠.١ ملیۆن دۆلار فرۆشرا، ئێستا خاوەنی درێسی یاری سێیەم هیوادارە بە یادگاری "دوا سەما"ی جوردەن ژمارەیەکی پێوانەیی گەورەتر تۆمار بکات.